बाढीग्रस्त पटरा खल्ला बस्तीमा पक्की तटबन्ध निमार्ण कार्यको अनुगमन, बस्तीमा बाढीको त्रास घट्यो

महेन्द्रनगर

पप्पु गुरुङ्ग

२०८१ चैत १७ गते आइतबार

कञ्चनपुरको दोधारा चाँदनी नगरपालिकाको पटरा खल्ला बस्तीमा निमार्ण क्रममा रहेको पक्की तटबन्धको अनुगमन गरिएको छ् । दोधारा चाँदनी नगरपालिकाका नगर प्रमुख किशोर कुमार लिम्बु, वडाध्यक्ष तथा नगर प्रबक्ता हरि सिंह धनाडी, वडा सदस्य दिपक महताको एक टोलीले दोधारा चाँदनी नगरपालिका– ३ पटरा खल्ला बस्ती जोगाउन निमार्ण क्रममा रहेको पक्की तटबन्धको स्थलगत अनुगमन गरिएको हो । बाढीको बेला बस्तीबासीहरुले झेल्दै आएको समस्या पुर्णरुपमा समाधान हुने बिश्वास लिएको नगर प्रमुख किशोर कुमार लिम्बुले बताउनुभयो । बाढीको बेला नजिकै रहेको जगबुडा नदीको भंगालो बस्तीमा पसेर बस्तीबासीहरुलाई ज्यान तथा धननमाल जोगाउन समस्या पर्दै आएको अवस्थामा बस्ती नजिक जगबुडा नदीको पानीलाई छेक्ने गरि पक्की तटबन्ध निमार्ण पछि बस्ती पुर्णरुपमा सुरक्षित हुने नगर प्रमुख किशोर कुमार लिम्बुले बताउनुभएको छ् । पटरा खल्ला बस्तीमा २७ घरधुरी रहेको र बाढी आएको बेला बस्तीलाईनै क्षतबिक्षत गर्दै आएको हुदा महाकाली सिचाई तेस्रो चरणको आयोजनाले झण्डै ६ सय मिटर पक्की तटबन्ध निमार्ण गरि बस्ती सुरक्षित बनाउने काम भईरहेको नगरप्रमुख लिम्बुले बताउनुभयो । दोधारा चाँदनी नगरपालिकाको नेपाल–भारत सिमा संग जोडिएको पटरा खल्ला बस्तीमा बाढीको बेला बस्तीनै असुरक्षित रहदै आएको अवस्थामा स्थानिय सरकार बस्तीलाई बाढीबाट सुरक्षित राख्न लागिपरेको उहाँको भनाई रहेको छ् । अनुगमनको क्रममा पटरा खल्ला लगाएत आसपासका बस्तीका स्थानियबासीहरु भेट गरि उनिहरुको समस्या तथा निराकरणको बारेमा छलफल गरिएको नगरप्रबक्ता हरिसिंह धनाडीले बताउनुभएको छ् ।