सानो सहयोग ठूलो प्रेरणा

महेन्द्रनगर

२०८१ चैत २१ गते बिहिबार

उपेन्द्र सिंह ठगुन्ना खर्कालो

हाल भारतमा रोजगारिको सिलसिलामा रहेका दुई जना युवाहरु मान सिंह ठगुन्ना र नरेन्द्र कामी क्रिकेटका ठुला फ्यान हुन् । नौगाड गाउपालिकाको वडा नम्बर छ स्थित क्रिकेट मैदानमा गएको दसैको मौका पारी "नौगाड क्रिकेट कप २०८१" संचालन भएको थियो ।
नौगाड क्रिकेट कप संचालक समितिको आयोजनामा संचालित उक्त प्रतियोगितामा नौगाड भित्रका दस टोलिको सहभागिता रहेको थियो । उक्त प्रतियोगिताको उपाधी रोयल टाइगर धुलिगडाले जितेकाे थियाे । खेडा क्रिकेट मैदानमा आज भोलि पनि हरेक दिन निरन्तर अभ्यासको चलिरहेको हुन्छ । यहि कुरा बाट प्रभावित हुँदै भारतको रोजागारिको सिलसिलमा रहेका दुई जना युवाहरु मान सिंह ठगुन्ना र नरेन्द्र कामिले गाउघरमा प्रतिभा उजागर गर्नको लागि भारत बाट MRF को दुई ओटा ब्याट पठाएका छन । हेर्दा सानो सहयोग लाग्न सक्छ तर नयाँ प्रतिभाहरुलाई धेरै ठूलो हौसला मिलेको छ ।
मान सिंह ठगुन्नाले फेसबुकमा स्ट्याटस लेखेका छन "म आउन नसके पनि हामिले तपाइहरुको लागि ब्याट पठाइ दिएका छौ" । सानो सहयोगले दिलाएको यो हौसलाले नयाँ क्रिकेट खेलाडी बन्न चाहने युवाहरुको लागि ठूलो प्रेरणा मिलेको छ ।