कडायतको मृत्यु पछी राजमार्ग चक्का जाम

महेन्द्रनगर

२०८२ जेठ ०१ गते मङ्गलबार

फायल साङ्केतिक तस्वीर

कैलालीमा मोटरसाइकल र हायस ठोकिदा सोमबार गौरीगंगा नगरपालिका–११ का ४५ वर्षीय नरबहादुर कडायतको मृत्यु भएको थियो । जिल्लाको घोडाघोडी नगरपालिका–२ जनकपुरमा हाइस र मोटरसाइकल आपसमा ठोकिदा मोटरसाइकलमा सवार कडायतको मृत्यु भएको हो । बागमती प्रदेश ०१–००६ ख ७१५० नम्बरको हायस र से ७ प ७३७२ नम्बरको मोटरसाइकल आपसमा ठोकिदा घाइते भएका मोटरसाइकमा सवार कडायतलाई घोडाघोडी अस्पतालमा उपचारका लागि लगिएको थियो । घोडाघोडी अस्पतालका चिकित्सकले कडायतलाई मृत घोषणा गरेको थियो ।
सोही घटनालाई लिएर मृतकका आफन्तहरुले आज क्षतीपुर्तीको माग सहित मसुरिया बजारमा चक्काजाम गरेका छन् । दोषीलाई कार्वाही सगैं क्षतीपुर्तीको माग सहित उनिहरुले बिहान ११ बजेदेखी मसुरिया बजारमा आन्दोलन थालेका हुन् । उनिहरुको आन्दोलनका कारण पुर्व पश्चिम राजमार्ग ठप्प परेको छ । बिहान ११ बजेदेखी यातायात ठप्प हुँदा यात्रु अलपत्र परेका छन् ।
दुर्घटनामा मृत्यु भएका कडायतका आफन्तले मसुरिया बजारमा क्षतीपुर्तीको माग सहित आन्दोलन गरेको जिल्ला प्रहरी कार्यालय कैलालीका प्रवक्ता प्रहरी नायक उपरिक्षक राज कुमार सिहंले बताए । सवारी साधन ठप्प भएपनि यात्रुहरुलाई आवतजावतमा सहजीकरण गरिरहेको उनले बताए । साथै पिडित परिवार सगं सहमतीका लागी छलफल समेत भइरहेको उनले बताए । हायस चालक लम्की चुहा नगरपालिका–१ का राजेश चौधरी र हायसलाई प्रहरीले नियन्त्रणमा लिएको छ ।