तपाईंको विज्ञापन यहाँ राख्नुहोस्

बाजेले चलाएको अटो पल्टिँदा नातीको मृत्यु

महेन्द्रनगर

२०८२ जेठ २५ गते आइतबार

कैलालीको लम्कीचुहामा अटो पल्टिँदा १० महिने बालकको मृत्यु भएको छ। लम्कीचुहा नगरपालिका एक भरवास्थित भित्री सडक खण्डमा दक्षिणबाट उत्तर आउँदै गरेको चालक सही ठाउँमा बस्ने भरत साउन्डले चलाएको शुभ प्रदेश ०१ - ० ०१ ह ५१४८ नम्बरको विद्युतीय रिक्साअनियन्त्रित भई आफै पल्टिँदा अटोमा सवार उनकै १० महिने नाती आयुष साउदको शनिबार उपचारका क्रममा मृत्यु भएको हो।

घाईते बालकलाई उपचारको लागि टीकापुर अस्पताल लगिएकोमा साँझ ४ः३० बजे चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय कैलालीले जनाएको छ। सोही अटोमा सवार लम्कीचुहा बस्ने ४२ वर्षका प्रकाश गिरी र १३ वर्षीय टेकराज साउँद घाईते भएको प्रहरीले बताएको छ।
घाईते भएका दुबै जनाको लालरत्न अस्पताल लम्कीमा उपचार भईरहेको छ। अटो प्रहरीको नियन्त्रणमा रहेको छ भने अटो चालक फरार रहेका छन्। उनको खोजतलास भईरहेको जनाइएको छ।

तपाईंको विज्ञापन यहाँ राख्नुहोस्

099-418177