ढुङ्गा लागेर प्रहरी जवान गम्भीर घाइते ।

महेन्द्रनगर

२०८२ असार ०३ गते मङ्गलबार

नेपाल प्रहरीमा कार्यरत दार्चुलाका एक जना प्रहरी जवान ढुङ्गा लागेर गम्भिर घाईते हुनुभएको छ ।
जिल्लाको महाकाली नगरपालिका वडा नम्बर ६ निसिल घर भएका प्रहरी जवान पालको काठमाडौँमा दरवन्दी भई बैतडीमा कार्यरत रहेका थिए ।
मङ्गलबार बिहान थागिल भन्ने स्थानमा खर काट्न गएको बेला माथिबाट खसेको ढुङ्गा टाउकोमा लागेपछि दिपेन्द्र घाइते भएको बताइएको छ । उहाँ बिदामा घर आउनुभएको हो ।
घाइते प्रहरी जवान पाललाई अहिले जिल्ला अस्पताल दार्चुला ल्याएइको छ । यता घाइते पाललाई हेलिकोप्टरमार्फत दार्चुलाबाट उद्धार गरी ठुलो अस्पताल लैजान उहाँका आफन्तले माग गर्नुभएको छ । हेलिकोप्टरबाट उहाँको उद्धारका लागि प्रहरी हेडक्वाटरमा कुरा गरिएको दार्चुलाका प्रमुख जिल्ला अधिकारी अनिल पौडेलले जानकारी दिनुभयो ।
घाइते प्रहरी जवानको स्वास्थ्य अवस्था बुझ्न दार्चुलाका प्रहरी प्रमुख प्रहरी नायब उपरीक्षक प्रकाश दाहाल जिल्ला अस्पताल पुग्नु भएको छ ।