सम्झना मृत्यु प्रकरण अदालतले यस्तो सुनायो फैसला

महेन्द्रनगर

२०८२ भदौ १२ गते बिहिबार

कञ्चनपुरको बेलडाँडी गाउँपालिका–२ सिहपाल टोलकी १७ वर्षीया सम्झना भट्टको मृत्यु प्रकरणमा संलग्न रहेको आरोपमा पक्राउ परेका उनका श्रीमान् पवन भट्टलाई जिल्ला अदालत कञ्चनपुरले पुर्पक्षका लागि कारागार चलान गरेको छ ।

सोही प्रकरणमा पक्राउ परेका सम्झनाका ससुरा हरिदत्त भट्ट र पुजा भट्टलाई जनही एक लाख रुपैयाँ धरौटीमा रिहा गरिएको छ भने सासू किरण भट्टलाई साधारण तारेखमा छोडिएको छ ।

गत साउन १८ गते सम्झना आफ्नै घरमा झुण्डिएको अवस्थामा मृत फेला परेकी थिइन् । माइती पक्षले यसलाई आत्महत्या नभई हत्या भएको दाबी गर्दै घटनाको निष्पक्ष छानबिनको माग गरेका थिए ।

जिल्ला प्रहरी कार्यालय कञ्चनपुरका प्रहरी नायब उपरीक्षक सागर बोहराका अनुसार, आत्महत्या दुरुत्साहनको किटानी जाहेरीका आधारमा सम्झनाका श्रीमान्, सासू, दिदी र ससुरालाई नियन्त्रणमा लिई अनुसन्धान गरिएको थियो ।