स्कुल बसको ठक्करबाट मोटरसाइकल चालकको मृत्यु

महेन्द्रनगर

२०८२ भदौ १३ गते शुक्रबार

स्कूल बसको ठक्करले कैलालीमा मोटरसाइकल चालकको मृत्यु भएको छ ।
बिहीबार साँझ ७ बजे जानकी गाउँपालिका–४ रामजानकी मन्दिर नजिक कैलालीकै जोशीपुर गाउँपालिका–५ बनकट्टा बस्ने २२ वर्षीय सागर डगोराको मृत्यु भएको प्रहरीले जनाएको छ ।
तुल्सीराम चौधरीले चलाएको .सु.प.प्र.०१–००१ क २७८६ नम्बरको रेन्बो एकेडेमी स्कुलको बसले डगौराले चलाएको सु.प.प्र.०१–००८ प ५६२८ नम्बरको मोटरसाइकललाई ठक्कर दिँदा दुर्घटना भएको हो ।
मोटरसाइकल चालक डगौरा घाईते भई उपचारको लागि नेपालगञ्जस्थित सेवा नर्सिङ होममा लगिए पनि उपचारको क्रममा बेलुका नै उनको मृत्यु भएको प्रहरीले जानकारी दिएको छ ।
मोटरसाइकल पछाडी सवार सोही ठाउँ बस्ने वर्ष १४ को अनिल चौधरी घाइते भई टीकापुर अस्पतालरमा उपचाररत छन् ।
बस र बस चालक इलाका प्रहरी कार्यालय टीकापुरको नियन्त्रणमा रहेको बताइएको छ ।