अछाममा छाउगोठमा सुतेका बेला भीरबाट खसेको ढुंगाले किचेर दुईजनाको मृत्यु भएको छ । एकजना घाइते छिन् । घटनास्थलमा नै उनीहरूको मृत्यु भएको प्रहरीले जनाएको छ ।

पञ्चदेवल विनायक नगरपालिका–८, सेलापानीस्थित चुरखोली टोलकी ३५ वर्षीया निम खनाल र मंगलसेन नगरपालिका–६ का गोरे भण्डारीकी सात वर्षीया छोरी कविताको छाउगोठमा सुतेका बेला ढुंगाले किचेर शुक्रबार (भदौ १३) बिहान मृत्यु भएको जिल्ला प्रहरी कार्यालयका प्रमुख ओमप्रकाश खनालले बताए ।

उक्त घटनामा घाइते भएकी कविताकी आमालाई उपचारका निम्ति स्थानीय स्वास्थ्यचौकीमा पठाइएको छ ।

जिल्ला प्रहरी कार्यालयबाट प्रहरी निरीक्षक टेकबहादुर देउवा नेतृत्वको टोली घटनास्थलतर्फ प्रस्थान गरेको प्रहरी नायब उपरीक्षक खनालले बताए ।

तपाईंको विज्ञापन यहाँ राख्नुहोस्

099-418177