२०८३ असोज ०९ गते शुक्रबार
राष्ट्रिय स्वतन्त्र पाटी (रास्वपा) लालझाडी गाउँपालिकाको सभापतिमा थारु अगुवा खुसीराम राना चयन भएका छन् । बुधबार सम्पन्न रास्वपा लालझाडीको प्रथम पालिका अधिवेशनले रानालाई सर्वसम्मत रूपमा सभापतिमा चयन गरेको हो । रास्वपा कञ्चनपुरका कोषाध्यक्ष तथा जिल्ला युवा नेता नवीन चन्दका अनुसार अधिवेशनले सहमतिको आधारमा नयाँ पालिका समिति विस्तार गरेको छ । उनका अनुसार उपसभापतिमा हरिश गिरी, सचिवमा धनराज भट्ट तथा सदस्यतर्फ पानसिंह धामी, नरबहसिंह राना, दलबहादुर झुकाल, शिवदास राना र रामवती राना चयन भएका छन् । यस्तै जिल्ला प्रतिनिधिमा लक्ष्मण राना र प्रदेश प्रतिनिधिमा रतनलाल भारती चयन भएका छन् ।
रास्वपाको विज्ञान, सञ्चार तथा सूचना प्रविधि विभागका केन्द्रीय सचिव ज्ञानेन्द्र महताको प्रमुख आतिथ्यतामा सञ्चालित कार्यक्रममा जनकसिंह धामी, नवीन चन्दलगायतका नेता कार्यकर्ताहरूको पनि उपस्थिति रहेको थियो । पालिका समितिको सभापति बनेपछि खुसीराम रानाले लालझाडी क्षेत्रमा भइरहेको बेथिति र भ्रष्टाचारका विरुद्ध आवाज उठाउने तथा जनताको हक अधिकारका लागि सशक्त पैरवी गर्ने उद्घोष गरेका छन् । कार्यक्रमको सञ्चालन रास्वपा बेलौरी नगर सभापति विष्णु शर्मा न्यौपानेले गरेका थिए ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया