पूर्व गृहमन्त्री रमेश लेखकको उम्मेदवारी सिफारिशका लागि दर्ता गराउन भीमदत्त नगरपालिकाका उप मेयर निलम लेखक जोशी काँग्रेस पार्टी कार्यालय पुगेकी छन् ।
उप मेयर जोशीले लेखकको वारेशनामा लिएर उम्मेदवारी सिफारिशका लागि पार्टी कार्यालय पुगेकी छन् । उप मेयर जोशीले पार्टी कार्यालयबाट लेखकको उम्मेदवारीका लागि फाराम लिएकी छन् । ‘पूर्व गृहमन्त्रीज्यूको उम्मेदवारी सिफारिश दर्ताका लागि आएकी छु’ उप मेयर जोशीले भनिन् ।
काँग्रेसले फागुन २१ गते हुने प्रतिनिधि सभा र राष्ट्रिय सभा सदस्यका आकाँक्षी उम्मेदवार सिफारिशका लागि पार्टी कार्यालय कञ्चनपुर क्षेत्र नं. ३ का आकाँक्षी उम्मेदवारको नामावली सिफारिशका लागि निवेदन संकलन गर्न थालिएको छ ।
सरकारले स्थानहद गरेका कारण काँग्रेस केन्द्रीय सदस्य एबम् पूर्व गृहमन्त्री लेखक आफैं आउन नसक्ने भएपछि वारेशनामा मार्फत उम्मेदवारी सिफारिश गराउन लागेका हुन् ।
लेखक यस अघि कञ्चनपुर ३ बाट तीन पटक निर्वाचित भइ सकेका छन् । २०७९ को आम निर्वाचनमा उनी फराकिलो मत अन्तरले संसद निर्वाचित भएका थिए ।
२०५६ मा पहिलो पटक कञ्चनपुर ३ बाट निर्वाचित भएका हुन् । त्यसपछि लेखक अन्तरिम विधायक, २०६४ मा समानुपापतिक संविधान सदस्य, २०७० मा संविधान सभा सदस्य र २०७९ मा संसदमा निर्वाचित भएका हुन् ।
२०७५४ मा उनी एमाले साँसद डा. दिपक प्रकाश भट्टसित पराजित भएका थिए । लेखक र भट्ट दाई हुन् ।
भदौ २३ र २४ गतेको जेनजी आन्दोलनका बेला लेखक गृहमन्त्री थिए । जेन जी आन्दोलनपछि फागुन २१ गते हुने निर्वाचनमा लेखक फेरि प्रतिनिधि सभा प्रत्यक्षमा चुनाव लड्न लागेका हुन् ।
काँग्रेस पार्टी कार्यालयमा दिउँसो २ बजेसम्म निवेदन संकलन गरी सिफारिश हुने उम्मेदवारको टुङ्गो लगाइने काँग्रेस कञ्चनपुर क्षेत्र नं. ३ का क्षेत्रीय सभापति केशब चन्दले बताए ।
क्षेत्र नं. २ र १ का आकाँक्षी उम्मेदवारको प्रदेश समितिलाई आज सिफारिश गरिने नेताहरुले बताएका छन् । क्षेत्र नं. २ मा दिउँसो ४ बजे आकाँक्षी टुङ्गो लगाइने भएको छ ।
कञ्चनपुरमा काँग्रेसका साढे १० हजार क्रियाशिल सदस्य छन् । कञ्चनपुर क्षेत्र नं. ३ बाट बिहीबार प्रेम बहादुर विष्टले प्रतिनिधि सभा प्रत्यक्षका लागि निवेदन दर्ता गराई सकेका छन् ।
विष्ट २०७९ को निर्वाचनमा पनि प्रतिनिधि सभा सदस्य उम्मेदवारका आकाँक्षी थिए ।