२०८३ असोज ०९ गते शुक्रबार
मादक पदार्थ सेवन (मापसे) चेकजाँचका क्रममा ड्युटीमा रहेका ट्राफिक प्रहरीलाई घाइते बनाएर फरार भएका कार चालकलाई प्रहरीले पक्राउ गरेको छ।
पक्राउ पर्नेमा हेटौंडा उपमहानगरपालिका-५, गर्दोई बस्ने ४६ वर्षीय बासुदेव आचार्य रहेका छन्।
बिहीबार (पुस १७ गते) राति पौने ८ बजे हेटौंडा उपमहानगरपालिका-११, थानाभर्याङस्थित सडकमा जिल्ला ट्राफिक प्रहरी कार्यालय मकवानपुरको टोलीले नियमित चेकजाँच गरिरहेको थियो।
नवलपुरबाट हेटौंडा बजारतर्फ आउँदै गरेको एक कारलाई प्रहरीले रोकेको थियो।
ट्राफिक प्रहरीले ‘ब्रेथलाइजर’ मेसिन प्रयोग गरी मापसे चेक गर्न खोज्दा चालकले एक्कासी कारको सिसा बन्द गरी गाडी भगाएका थिए। सो क्रममा ब्रेथलाइजरसहित ड्युटीमा रहेका प्रहरी जवान कारमा अड्किएर करिब १० मिटर घिसारिँदा घाइते भएका थिए।
घटनालगत्तै फरार रहेको कारको खोजी गर्ने क्रममा प्रहरीले शुक्रबार चितवनको भरतपुरबाट बा ६ च ८४०९ नम्बरको सो कार फेला पार्यो। प्रहरीले सोही स्थानबाट चालक आचार्यलाई पनि नियन्त्रणमा लिएको हो।
प्रहरीले आचार्यको कारबाट चेकजाँचमा प्रयोग गरिएको ब्रेथलाइजर मेसिनसमेत बरामद गरेको छ ।
चालक र कारलाई जिल्ला प्रहरी कार्यालय मकवानपुरमा ल्याई थप अनुसन्धान भइरहेको प्रहरीले जनाएको छ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया