जिल्लामा ट्राफिक व्यवस्थापन मार्फत दिनानुदिन बढीरहेका दुर्घटना न्युनीकरण गर्ने उद्देश्यहेतु जिल्ला ट्राफिक कार्यालय धनगढीले ट्राफिक नियम सम्बन्धी जनचेतना अभियान सुरू गरेको छ । यसै कार्यक्रम अन्तर्गत २१ नियम आफ्नो फेसबुक पेज मार्फत जारी गरेको छ

१ . मो.सा. चलाउंदा अनिवार्य रुपमा हेलमेटको प्रयोग गरौं ।
 २.  दुई पाङग्रे सवारी साधनमा दुई (२) जना भन्दा बढि यात्रा नगरौं । 
 ३.  सवारी साधन चलाउंदा मोबाईल फोनको प्रयोग नगरौं ।
 ४. सवारी चलाउंदा अनिबार्य हेलमेटको फिता र सिट बेल्ट प्रयोग गरौं । 
 ५. तिब्र गतिमा सवारी नचलाऔं । 
 ६. सिट क्षमता भन्दा बढि यात्रु नबोकौ । 
 ७. अनावश्यक ओभरटेक नगरौं ।
 ८. सवारी साधन चलाउनु भन्दा पहिले यान्त्रीक चेकजाँच गरौ ।
 ९. सबै सवारी चालकले अनिबार्य रुपमा सवारी चालक अनुमतिपत्र (लाईसेन्स) सवारी दर्ता किताब (ब्लबुक) र भाडाका सावरी साधनले बाटो ईजाजत पत्र (रुट प्रमिट) र जाँचपास अनिवार्य साथमा राखौ ।
 १०. सवारी साधनमा प्रेशर हर्न निषेध गरौ । 
 ११. सवारी साधनको आफुखुसी मोडिफाई तथा स्वरुप परिवर्तन नगरौ । बिशेष गरी साईलेन्सर परिवर्तन नगरौ । 
 १२. सडकमा लेन अनुशासन कायम राखौ । 
 १३. जथाभाबि सडकमा पार्किङ नगरौ । 
 १४. सार्बजनिक सवारी साधनले तोकिएको भाडादर भन्दा बढी भाडा अशुल नगरौ । 
 १५. सवारी साधनको नम्बर प्लेटमा राष्ट्रिय झण्डा,नेपालको नक्सा,बिभिन्न बुट्टा,बिभिन्न लेखन राखिएका सामाग्री तत्कालै हटाऔ र मापदण्ड बमोजिमको नम्बर प्लेट राखौ । 
 १६. बिधुतिय अटो रिक्साले ब्लबुक र लाईसेन्स अनिवार्यरुपमा साथमा राखौ र सवारी चालक अनिमति पत्र नभएका चालकहरुले तत्काल स.चा.अ.प बनाउन तर्फ लागौ । 
 १७. यातायात ब्यवस्था कार्यालय सेतीमा दर्ता हुंदा जुन स्थानिय निकायको सिफारिसमा दर्ता भएको हो सोहि अनुरुप उक्त स्थानमा सञ्चालन गरौ । 
 १८. कालो प्लेटका बिधुतिय ई-रिक्साले ढुवानिका सामाग्री ओसार पसार नगरौ । ( जस्तै रड, पाईप,जस्तापाता,प्लाईउड,दराज,खटिया आदि ) 
 १९. राप्ती, भेरी,लुम्बिनी,महाकालीमा दर्ता भएका बिधुतिय कालो नम्बर प्लेटका ई-रिक्सालाई सम्बन्धीत जिल्लामा सञ्चालन गरौ । 
 २०. मादक पदार्थ सेवन गरी सवारी साधन नचलाऔ । 
 २१. COVID को जोखिमबाट बच्न सरकारले जारी गरेको स्वास्थ्य मापदणडको पालना गरौ । मास्कको अनिवार्य प्रयोग गरौ ।  उल्लेखित नियमको पालना नगरे सवारी तथा यातायात ब्यवस्था ऐन २०४९ र नियमावली २०५४ बमोजिम कारबाही गर्न सकिने ब्यहोरा समेत रहिआएको छ ।
                   *** ट्राफिक प्रहरीको चाहाना ***
                   *** सुरक्षित यात्राको कामना***