नेत्र बिक्रम चन्द (विप्लव) नेतृत्वको नेपाल कम्युनिष्ट पार्टी निकट युवा संगठनले बेलडाँडी गाउँपालिकाका एक जनप्रतिनिधिलाई कालाे मोसो दलेकाे छ ।

नेकपा कार्यकर्ताहरुले बिहीबार दिउसाे बेलडाँडी गाउँपालिका–२ का वडा अध्यक्ष प्रेम खातीलाई कालाे मोसो दलेका हुन् ।

युवा संगठन नेपालले एक विज्ञप्ती जारी गर्दै घटनाको जिम्मेवारी लिएको छ । वडा अध्यक्षले भ्रष्टाचार गरेकाले ‘जनकारबाही’ गरिएको विज्ञप्ति मार्फत दाबी गरेकाे छ ।

वडा अध्यक्षले वडा कार्यालय गाउँपालिकामा धेरै अनियमितता गरेकाे, लघुवित्तहरुलाई जमिनसहित १५ लाख दिएको, मनोमानी रुपमा कर्मचारी भर्ना गरेको, विभिन्न याेजनामा अनियमितता गरेकाे, उपभोक्ता समितिद्धारा आफु अनुकुल काम गरेको आरोप लगाइएको छ ।

यसैगरी, वडा अध्यक्षले गाउँपालिका कार्यालयको पछाडी रहेको एकल महिलाहरुका लागि बनाएको भवनमा आर्थिक अनियमिता गरेको, ग्राईभल फालेर सडकमा समेत आर्थिक अनियमितता गरेको युवा संगठन नेपाल कञ्चनपुरको आरोप छ ।                      खाति एमाले बाट निर्वाचित वडा अध्यक्ष हुन उनलाइ किन तपाईं माथि यस्ताे काम भयाे भन्दा  कार्यालय मा रहेका बेला ८-९ जना अाएकाे १ जनाले सहकारि का बारेमा सा्द्धा मैले परिचय मागेपछि सानाे सिसि बाट कालाे झाेल फालेर भागेकाे बताएका छन , उनले थप्दै भने केही महिना पहिला चन्दा मागेका थिए कहाँ बाट दिने भनेर भनेकाे हु र उनले लगाएका अाराेप निराधार छन पुरै कार्यपालिकाले गर्ने निर्णय म एक्लै कसरी गर्न सक्छु , छानबिन गर्दा हुने र मेराे वडाकाे बिषय मात्र नभएकाे ले कसैले बाट बिप्लप का कार्यकर्ता परिचालन भएकाे हुन सक्ने बताए । 

बिहीबार दिउँसो १ बजे ६\७ जनाको समुहले वडा अध्यक्षलाई कार्यालयमै कालोमसो लगाएको सूचना पाएको ईलाका प्रहरी कार्यालय प्रहरी कार्यालय बेलडाँडीका प्रहरी निरक्षक रबिन्द्र कठायतले बताउनु भयाे ।

“७ जना मध्ये एक जनाकाे पहिचान भएकाे र तिनिहरू बेलडाँडीका नभएकाले पक्राउ गर्न गाह्रो छ, प्रहरी निरिक्षक कठायतले बताए ।”  उनिहरू सबैकाे खाेजि कार्य भईरहेकाे उनकाे भनाई रहेकाे छ ।