कटुवा पेस्तोल राखेको आरोपमा ४ जना पक्राउ ।

कञ्चनपुरमा कटुवा पेस्तोलसहित ४ जनालाई प्रहरीले पक्राउ गरेको छ। सोमबार साँझ जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगरबाट खटिएको संयुक्त प्रहरी टोलीले उनीहरूलाई पक्राउ गरेको हो।
पक्राउ पर्नेमा कैलालीको गोदावरी नगरपालिका-१ का २० वर्षीय पारस रोकाया, कञ्चनपुरको बेलडाँडी गाउँपालिका-३ का १८ वर्षीय बिपिन सिंह, २० वर्षीय नितेश सिंह र कृष्णपुर नगरपालिका-६ का २० वर्षीय राजेन्द्र सिंह रहेका छन्।
प्रहरीका अनुसार उनीहरूलाई भीमदत्त नगरपालिका-१८, सालघारीमा शंकास्पद अवस्थामा फेला पारी सोधपुछ गरिएको थियो। सो क्रममा बिपिन बस्दै आएको मामा-भान्जा चोकस्थित कोठामा लुकाएर राखिएको कटुवा पेस्तोल फेला परेको हो उनीहरुमाथि थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।

तपाईंको विज्ञापन यहाँ राख्नुहोस्