सुदूरपश्चिम प्रदेश सभाको बैठक पुनः स्थगित भएको छ। सुदूरपश्चिम प्रदेश सरकारले असोज २१ गते बजेट ल्याउनका लागि प्रदेशसभाले साँझ ५ बजे बैठक आह्वान गरेको थियो। उक्त दिनको बैठकमा सरकारले अबेर रातिसम्म बजेट दर्ता गर्न नसकेपछि २२ गते बिहान ८ बजेका लागि बोलाइएको थियो।

उक्त दिनसमेत बजेट ल्याउन नसक्नु र अदालतमा बजेटसम्बन्धी मुद्दा रहेका कारण अदालतले २३ गतेका लागि छलफलमा बोलाएपछि बैठक सर्दै गएको थियो। आज शनिबार बैठक आह्वान गरेपनि सरकारले बजेट प्रदेश सभामा लग्न नसकेपछि पुनः भोलि ९ बजेका लागि सरेको प्रदेशसभा सचिवालयले जानकारी दिएको छ।

असार १ गते विगतको सरकारले बजेट ल्याउँदा सदनमा पास हुन नसकेपछि सरकार नै परिवर्तन भएको थियो।

तपाईंको विज्ञापन यहाँ राख्नुहोस्

099-418177