२०८३ असोज २० गते मङ्गलबार
पूर्वप्रधानन्यायाधीश चोलेन्द्र शमशेर जबरालाई सुरक्षासँग सम्बन्धित संवेदनशील सूचना चुहावट गरी पदीय आचरणविपरीत काम गरेको आरोपमा सशस्त्र प्रहरी बलका अतिरिक्त महानिरीक्षक (एआईजी) वंशीराज दाहाल निलम्बित भएका छन् ।
गृह मन्त्रालयले सोमबार विज्ञप्ति जारी गर्दै सशस्त्र प्रहरी बल नेपालबाट दाहाललाई कारबाहीका लागि सिफारिस प्राप्त भएपछि आरोपमाथि जाँचबुझ गर्न उनलाई निलम्बन गरिएको जनाएको हो । उच्च स्रोतका अनुसार पूर्वप्रधानन्यायाधीश चोलेन्द्रका नातेदार एआईजी दाहालले सूचना चुहाएको आरोप लगाइएको छ ।
मन्त्रालयका अनुसार सोमबार दाहाललाई निलम्बन गरी ३ दिनभित्र जाँचबुझ सम्पन्न गरेर मन्त्रालयमा प्रतिवेदन पेश गर्न जाँचबुझ अधिकृतसमेत तोकिएका छन् ।
गृह मन्त्रालयले निजामती प्रशासन तथा सुरक्षा निकायका कर्मचारीले प्रचलित कानुनमा व्यवस्था भएअनुसार पदीय आचरण पालना गर्नुपर्ने जनाएको छ । सशस्त्र प्रहरी कर्मचारीले आफ्नो सेवा र पदअनुसारको आचरण पालना गर्नुका साथै सुरक्षासँग सम्बन्धित संवेदनशील सूचनाको संरक्षण र गोपनीयता कायम गर्नुपर्ने कानुनी व्यवस्था रहेको मन्त्रालयले जनाएको छ ।
मन्त्रालयले गृह मन्त्रालय मातहतका कर्मचारीबाट हुने पदीय आचरणविपरीतका कार्य, संवेदनशील तथा गोप्य सूचनाको चुहावट र शान्ति सुरक्षामा प्रतिकूल असर पार्ने गतिविधिमाथि सूक्ष्म निगरानी तथा विश्लेषण भइरहेको जनाएको छ ।
कानुन विपरीतका गतिविधि वा घटनामा संलग्न जोसुकैलाई प्रचलित कानुनबमोजिम कारबाही गरिने गृह मन्त्रालयले जनाएको छ । मन्त्रालयले विधिको शासन, कानुनको परिपालना तथा सार्वजनिक शान्ति सुरक्षाको संरक्षणप्रति प्रतिबद्ध रहेको समेत स्पष्ट पारेको छ ।
गृह मन्त्रालयका सहसचिव तथा प्रवक्ता आनन्द काफ्लेद्वारा जारी विज्ञप्तिमा दाहालमाथि अनुसन्धान भइरहेको जनाइएको छ ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया