२०८३ असोज १९ गते सोमबार
जबरजस्तीकरणी उद्योगसम्बन्धी मुद्दामा धनगढीका एक युवक पक्राउ परेका छन्। पक्राउ पर्नेमा धनगढी उपमहानगरपालिका–१, शिवनगर निवासी बबी सोडारी रहेको प्रहरीले जनाएको छ।
जिल्ला प्रहरी कार्यालय कैलालीका अनुसार साडारीविरुद्ध धनगढीकै एक युवतीले करिब एक वर्षअघि जबरजस्तीकरणी उद्योग शीर्षकमा जाहेरी दिएकी थिइन्। सोही जाहेरीका आधारमा प्रहरीले उनलाई पक्राउ गरी घटनाबारे थप अनुसन्धान अघि बढाएको हो।
प्रहरीका अनुसार जाहेरीपछि पनि सोडारी लामो समयसम्म पक्राउ परेका थिएनन् र उनी प्रहरीको फरार सूचीमा रहेका थिए। धनगढीस्थित आफ्नै घरमा आएका बेला प्रहरीले उनलाई पक्राउ गरेको जनाएको छ।
पक्राउ परेका सोडारी सुदूरपश्चिम प्रदेशका पूर्वमुख्यमन्त्री दीर्घबहादुर सोडारीका छोरा रहेको प्रहरीले पुष्टि गरेको छ।
पीडित भनिएकी युवतीले घटनाको अनुसन्धान र कानुनी प्रक्रियाका लागि लामो समयदेखि प्रहरी कार्यालय धाउँदै आएको बताइएको छ। यसअघि राजनीतिक पहुँच र दबाबका कारण पक्राउ प्रक्रिया अघि बढ्न नसकेको आरोपसमेत लाग्दै आएको थियो। यद्यपि, यस विषयमा प्रहरीले राजनीतिक दबाबका कारण पक्राउ ढिलाइ भएको हो वा होइन भन्नेबारे औपचारिक धारणा सार्वजनिक गरिसकेको छैन।
प्रहरीले पक्राउ परेका सोडरीमाथि लागेको आरोपबारे अनुसन्धान भइरहेको जनाएको छ। आरोप पुष्टि हुन बाँकी रहेकाले उनलाई दोषी ठहर गर्ने अधिकार अदालतलाई मात्र हुनेछ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया