२०८३ असोज २४ गते शनिबार
सशस्त्र प्रहरीको दोधारा चाँदनी देबीस्थानस्थित बोर्डर आउट पोष्ट (बिओपी) का सशस्त्र प्रहरी सहायक निरीक्षक (असई) सागर राम थारु महाकाली नदीमा वेपत्ता भएका छन् ।
महाकाली नदीको क्षतिग्रस्त झोलुङ्गे पुल चुँडिएको क्षेत्रमा शनिबार मध्यान्ह थारु नदीमा वेपत्ता भएका हुन् ।
अहिले असई थारुको खोजी कार्य सुरु गरिएको छ । सशस्त्र प्रहरीले गोताखोरको टोली मगाएर थारुको खोजी कार्य गरेको छ ।
टेलिकमले विहानदेखि सशस्त्र प्रहरीको सहयोगमा रबर बोटमा राखेर इन्टरनेटका तार तान्न थालेको थियो । त्यसका लागि सशस्त्र असई थारु सहित ६ जना र टेलिकमका एक जना कर्मचारी बोटमा बसेर तार तानि रहेका थिए ।
झोलुङ्गे पुलका पिलर धस्सिएर चुँडिएको भागमा अचानक रबर बोट अनियन्त्रित भएपछि थारु सहित सवार सबै नदीमा खसेका थिए । उनीहरुमध्ये असई थारु वेपत्ता भएका हुन् ।
घट्ना लगत्तै झोलुङ्गे आएका पत्रकार खडक रावलले रबर बोट अनियन्त्रित भएर सबै जना नदीमा खसेको र तारमा लपेटिएर असई नदीमा वेपत्ता हुन सकेको आंशका गरिएको जानकारी दिए ।
नदीमा खसेका अन्यकोे अवस्था भने समान्य छ ।
झोलुङ्गेसंगै टेलिकमको तार चुँडिएर दोधारा चाँदनीमा टेलिकमको इन्टरनेट सेवा बन्द भएपछि शनिबार तार लग्न थालिएको थियो ।
एक साता अघि पिलर धस्सिएपछि झोलुङ्खे पुल चुँिडएको थियो । टेलिकम सहित अन्य इन्टरनेट सेवा प्रदायक कम्पनीले झोलुङ्गे हुँदै तार लगेर दोधारा चाँदनीमा इन्टरनेट पुगाएका थिए ।
निजी क्षेत्रका कम्पनीले भने चार लेन पुलबाट तार लगेर आफ्नो सेवा सुरु गरेका छन् ।
सशस्त्र प्रहरीका असई वेपत्ता भएपछि सशस्त्र प्रहरी बल नेपाल नं. ३५ हेड क्वाटर शैलेश्वरीका गणपति एसपी प्रेम प्रकाश सिग्देल झोलुङ्गे पुगेका छन् ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया