२०८३ असोज २७ गते मङ्गलबार
धनगढी । हिन्दू धर्मावलम्बीहरूको महान् पर्व बडादसैँअन्तर्गत आज नवरात्रको तेस्रो दिन देवी चन्द्रघण्टाको पूजा–आराधना गरिँदैछ। नवरात्रका नौ दिनमध्ये तेस्रो दिन दुर्गा भवानीको तेस्रो स्वरूपका रूपमा चन्द्रघण्टाको पूजा गर्ने धार्मिक परम्परा छ।
धार्मिक मान्यताअनुसार देवी चन्द्रघण्टाको शिरमा घण्ट आकारको अर्धचन्द्र रहने भएकाले उहाँलाई ‘चन्द्रघण्टा’ भनिएको हो। उहाँलाई शान्ति, साहस, शक्ति र समृद्धिकी देवीका रूपमा पूजा गर्ने गरिन्छ। चन्द्रघण्टाको आराधना गर्दा भक्तजनको भय, नकारात्मकता र संकट हट्ने तथा मनमा शान्ति प्राप्त हुने विश्वास छ।
आज बिहानैदेखि देशभरका विभिन्न दुर्गा मन्दिर तथा शक्तिपीठमा भक्तजनको भीड लागेको छ। भक्तजनले स्नान गरी शुद्ध भएर देवीको प्रतिमामा फूल, अक्षता, धूप, दीप, नैवेद्य तथा फलफूल अर्पण गर्दै पूजा–आराधना गरिरहेका छन्।
नवरात्रका अवसरमा शक्तिपीठहरूमा विशेष पूजा, आरती तथा भजन–कीर्तनसमेत आयोजना भइरहेका छन्। दसैँको मुख्य दिन नजिकिँदै जाँदा मन्दिर तथा बजार क्षेत्रमा चहलपहल पनि बढ्दै गएको छ।
धार्मिक मान्यताअनुसार नवरात्रका पहिलो दिन शैलपुत्री, दोस्रो दिन ब्रह्मचारिणी र तेस्रो दिन चन्द्रघण्टाको पूजा गरिन्छ। आगामी दिनमा क्रमशः कुष्माण्डा, स्कन्दमाता, कात्यायनी, कालरात्रि, महागौरी र सिद्धिदात्रीको पूजा गर्ने परम्परा छ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया