भौतिक पूर्वाधार तथा यातायातमन्त्री प्रकाश ज्वालाले कंचनपुरकाे महाकाली पुल, दैजि-बेदकाेट जाेगबुडा सडक र कैलालीकाे भिमदत्त राजमार्गकाे अनुगमन निरिक्षण गरेका छन ।
कंचनपुरकाे महाकाली नदिमाथि रहेकाे महाकाली चार लेनकाे पुल अनुगमन गर्दै मन्त्री ज्वालाले पुलकाे काम निरन्तर चलिरहेकाे बताउदै भेरिएसन पछि थप रकम आवश्यक परेकाे बिषयमा काम भैरहेकाे आर्थिक अभाव झेल्नु पर्दैन क्याभिनेट बाट निर्णय गरेर बजेटकाे ब्यावस्था गर्ने बताएका छन ।
यस्तै दैजि बेदकाेट जाेगबुडा सडक बैकल्पिक राजमार्गका रुपमा रहेकाे याे सडकमा आवश्यक रकम रहेकाे र तिब्र गतिमा काम गरेर समयमा सम्पन्न गर्नका लागि निर्देशन दिएकाे बताउदै मन्त्रालयले काम सम्पन्न गर्न कुनै कसर बाकि नराख्ने बताउनु भएकाे छ ।
यस्तै सुदूरपश्चिम प्रदेशका पहाड र तराईका सबै जिल्लालाई सडक सञ्जालले जोड्न पहिरोले अवरुद्ध हुनपुगेको धनगढी–डडेलधुरा (भीमदत्त) राजमार्गको बूढीतोला सडक खण्ड सञ्चालन गर्न मन्त्री ज्वालाले मातहतका निकायलाई निर्देशन दिएका छन् । पहिरो प्रभावित भीमदत्त राजमार्गको बूढीतोला सडक खण्डको हिजो स्थलगत अनुगमन निरीक्षण गर्दै मन्त्री ज्वालाले सुदूरपश्चिम प्रदेशको महत्त्वपूर्ण भीमदत्त राजमार्ग अवरुद्ध भएको प्रतिसरकारको ध्यान गएको बताए।
उक्त सडक खण्डमा गत साउन २२ गते राति गएको पहिरोसँगै सडकसमेत भाँसिदा झण्डै एक हप्तासम्म आवागमन ठप्प भएको थियो। पहिरो पञ्छाई केही समय यातायात आवागमन आंशिकरुपमा सञ्चालन गरिए पनि पहिरो जाने क्रम नरोकिँदा सडक समस्या भइरहेको छ। उक्त सडक खण्डमा पहिरो पञ्छाउने काम आजसम्म पनि जारी छ। उक्त खण्डमा दुई तर्फी यातायात सञ्चालन गर्न समय लाग्ने सडक डिभिजन कार्यालय महेन्द्रनगरले जनाएको छ। सडक खण्डको झण्डै चारसय मिटर लामो भागमा माथिबाट ठूलो पहिरो खसेको थियो भने एकसय मिटर लामो भागमा सडकमा भासिँएको थियो।
यो राजमार्गले सुदूरपश्चिम प्रदेशका पहाड र तराईका सबै जिल्लालाई सडक सञ्जालले जोडेको छ। मन्त्री ज्वाला नेतृत्वको अनुगमन निरीक्षण टोलीमा प्रदेश सरकारका भौतिक पूर्वाधार विकास मन्त्री प्रकाशबहादुर देउवा र आर्थिक मामिला मन्त्री नरेशकुमार शाहीसमेत सहभागी रहेका थिए।
प्रतिक्रिया