दोधारा चाँदनी नगरपालिकामा पछिल्लो समय आत्महत्याका घटनामा वृद्धि हुन थालेपछि प्रहरीले गाँउ, बस्तीमा न्यूनीकरण अभियान चलाउदै आएका छ् । दोधारा चाँदनी नगरपालिकामा रहेको ईलाका प्रहरी कार्यालय मातहतका प्रहरी इकाईहरुले समेत आत्महत्या न्यूनीकरणको अभियान संचालन गर्दै आएका छन् । यसै क्रममा आज सामुदायिक प्रहरी साँझेदारी कार्यक्रम अन्तर्गत दोधारा चाँदनी नगरपालिका– ४ शारदा सरस्वती माबिका बिद्यार्थीहरुलाई आत्महत्या न्युनिकरण सम्बन्धी जनचेतनामुलक कार्यक्रम सम्पन्न गरेको ईलाका प्रहरी दोधारा चाँदनीले जनाएको छ् । ईलाका प्रहरी कार्यालय दोधारा चाँदनीका प्रसनि शंकर दत्त जोशीको कमाण्डमा रहेको प्रहरी टोलीले आत्महत्या न्यूनीकरण सचेतना कार्यक्रम सम्पन्न गरिएको छ् । ईलाका प्रहरी कार्यालयले बिगतका दिनहरु देखि ग्रामीणस्तरमा आत्महत्या न्यूनीकरण लगाएत साईवर क्राईम, लागुऔषध न्युनिकरण अभियान संचालन गर्दै आएको छ् । ईलाका प्रहरी कार्यालय दोधारा चाँदनीका प्रसनि शंकर दत्त जोशीले समय अनुकुल सचेतनामुलक कार्यक्रम संचालन गर्दै आएको बताएका छन् । ‘स्थानीयलाई टोल–टोलमा जम्मा गरी आत्महत्या न्यूनीकरण लगाएत साईवर क्राईम, लागुऔषध न्युनिकरण लागि सचेत पार्न कार्यक्रम चलाईरहेका छौं ।’ ईलाका प्रहरी कार्यालय दोधारा चाँदनीका प्रसनि शंकर दत्त जोशीले भने । आर्थिक, सामाजिक र पारिवारिक कारणले व्यक्तिले आत्महत्या गर्ने भएकाले समुदायका व्यक्तिलाई त्यस बारेमा सचेत पार्न अभियान चलाईएको प्रहरीले जनाएको छ् । एक तथ्यांक अनुसार आत्महत्या, लागुऔषध, साईवर क्राईम घटना वृद्धि हुदै गर्दा प्रहरीले दोधारा चाँदनी नगरपालिका क्षेत्रमा न्युनिकरण अभियानहरु संचालन गर्दै आएको हो । आत्महत्या न्यूनीकरणका लागि जनस्तरमा प्रहरी तथा विभिन्न संघ–संस्थाले सचेतनामूलक कार्यक्रम सञ्चालन गर्दै आएका छन् । आज शारदा माबिमा गरिएको आत्महत्या न्युनिकरण सम्बन्धी जनचेतनामुलक कार्यक्रम डिप्रेसन, चिन्ता र भय आत्महत्याको प्रमुख कारक बताईएको छ् ।
प्रतिक्रिया