पप्पु गुरुङ्ग
राष्ट्रिय बाल दिवसको दिनमै आज मानव बेचबिखन तथा नियन्त्रणमा क्रियाशिल संस्था माईती नेपालले भारतको राजधानी नई दिल्लीबाट एक बालिकाको उद्धार गरेको छ् । मिथिला नगरपालिका, धनुषा निवासी १६ वर्षिय एक बालिकालाई आज अन्तरराष्ट्रिय बाल दिवसको दिनमै भारतको राजधानी नई दिल्लीबाट उद्धार गरिएको गरिएको माईती नेपाल कञ्चनपुरका संयोजक महेश्वरी भट्टले दिल्लीबाट खबर पठाएका छन् । बालिकालाई भारतको दिल्ली स्थित एक कोठामा बन्धक बनाएर राखिएको थियो । २ महिना अघि एक युवकले सामाजिक संजाल फेसबुकबाट विभिन्न प्रलोभलन देखाउदै वालिकालाई दिल्ली पुर्याएका थिए । दिल्लीको एक कोठामा बन्धक बनाएर राखेको अवस्थामा दिल्लीमा बस्ने नेपालीहरुको सहयोगमा माईती नेपालको टोलीले उद्धार गरेको हो । ‘हामीले बालिकाको उद्धार गरिसकेका छौं, प्रकृया पुर्याएर परिवारजनको जिम्मा लगाउनेछौं ।’ माईती नेपाल कञ्चनपुरका संयोजक महेश्वरी भट्टले भने– ‘निकै जटिल समस्यामा रहेका ति बालिकालाई दिल्लीमा बस्ने नेपाली दाजुभाईहरुको सहयोगमा उद्धार गर्न सफल भएका छौं ।’ आफुलाई भारत लगेर बेच्न लागेको बिषयमा आफु अनबिज्ञ रहेको ति बालिकाले बताएका छन् । ‘मलाई भारत लगेर बेच्न लागेको बिषयमा मलाई थाहानै भएन’ बालिकाले भनिन् । उद्धार गरिएको बालिकालाई माईती नेपालको टोलीले नेपाल फिर्ता ल्याउने तयारी गरेको बताईएको छ् । मानव बेचबिखन तथा नियन्त्रणमा क्रियाशिल संस्था माईती नेपालले जोखिममा रहेका तथा विभिन्न हिंसामा परेका महिला, बालबालिका तथा किशोरीहरुलाई भारत लगाएत तेस्रो मुलकबाट उद्धार गरि आफन्तको जिम्मा लगाउदै आएको छ् ।
प्रतिक्रिया