कञ्चनपुरमा मोटरसाइकल दुर्घटना हुँदा एकजनाको मृत्युु भएको छ। हिजो (शुक्रबार) राति १० बजेको समयमा भएको दुर्घटनामा एकजनाको मृत्यु भएको हो।

प्रदेश ट्राफिक प्रहरी कार्यालय अत्तरियाका अनुसार जिल्लाको दोधाराचादनी नगरपालिका-६ मा दुर्घटना भएको हो। प्रहरीले म १ प २४६८ नम्बरको मोटरसाइकल र से २ प १४५२ नम्बरको मोटरसाइकल आपसमा ठोक्किएर दुर्घटना भएको बताएको छ।

सो दुर्घटनामा परेर सोही ठाँउ बस्ने २५ वर्षीय चालक गोपाल सुनारको घटनास्थलमै मृत्यु भएको छ भने अर्का चालक घाइते भएका छन्।

ती अर्का मोटरसाइकलका चालकको अहिले भारतमा उपचार भैरहेको प्रहरीले जनाएको छ।