आज उमेदवारि फिर्ता लिने अन्तिम दिन, दलहरु बागि फिर्ता गराउने प्रयत्नमा ।

महेन्द्रनगर

२०७९ बैशाख १६ गते शुक्रबार

स्थानीय तह निर्वाचनका उम्मेदवारहरूले नाम फिर्ता लिने आज अन्तिम दिन हो । नाम फिर्ता लिन चाहनेहरू बेलुकी ५ बजेसम्म निर्वाचन अधिकृतको कार्यालयमा जानुपर्ने आयोगले जनाएको छ । त्यसपछि भने आयोगले अन्तिम नामावली प्रकाशन गर्नेछ । राजनीतिक दलहरूले बागी तथा पार्टि निकटकाले स्वतन्त्र उम्मेदवारी दिएकाहरूलाई फिर्ता लिन दबाब दिँदै आएका छन् ।

गठबन्धन दलका प्रमुख नेताहरुले बिहीबार अपिल जारी गर्दै बागी उम्मेदवारी फिर्ता लिएर आधिकारिक उम्मेदवारलाई निर्वाचनमा सहयोग गर्न आग्रह गरेका छन् । विपक्षी दलका नेता तथा नेकपा एमालेका अध्यक्ष केपी शर्मा ओलीले पनि बागी उम्मेदवारी दिएका नेताहरूलाई फिर्ता लिएर आधिकारिक उम्मेदवारलाई निर्वाचनमा जिताउन आग्रह गरेका छन् ।

प्रदेश र जिल्ला स्तरमा पनि नेताहरु बागि उमेदबारि फिर्ता लिन प्रयत्नरत रहेका छन ।