निर्वाचन अधिकृतको कार्यालयले कञ्चनपुर क्षेत्र १ को मतगणना स्थलको टुंगो लगाएको छ।

अहिले सबैतिर मतपेटिका संकलनको कार्य भइरहेको र मतगणना स्थलमा ल्याइएपछि सर्वदलिय बैठक बोलाएर गणनाको समय तोकिने निर्वाचन अधिकृतको कार्यालयले जनाएको छ। गणना बेलौरी नगरपालिका–४ को सभा हलमा हुनेछ।

निर्वाचन अधिकृत कृष्णप्रसाद नेपालका अनुसार सबै मतदान केन्द्रमा शान्तिपूर्ण ढंगले मतदान कार्य सकिएर मतपेटिका संकलन र ढुवानीको कार्य भइरहेको छ।

यस्तै क्षेत्र नं. ३ को मतगणना जिल्ला समन्वय समितिको कार्यालय कञ्चनपुरमा हुने भएको छ। क्षेत्र २ को मतगणना भने झलारीस्थित कालिका मावि असैनामा हुने निर्वाचन अधिकृतको कार्यालयले जनाएको छ।

कञ्चनपुरमा आज भएको प्रतिनिधिसभा तथा प्रदेशसभा निर्वाचनमा करिब ६० प्रतिशत हाराहारी मत खसेको अनुमान गरिएको छ।