सुदुरपश्मुचिम सरकारका मुख्यमन्त्री नियुक्त भएको एक महिना बढि हुदा प्रदेश सरकारले पूर्णता पाउन सकेको छैन। दिर्घ सोडारी नेतृत्वको सरकारमा समान हैसियतका दुई ठुला दल नेकपा माओवादी केन्द्र र नेकपा एमाले सहभागि भएका छैनन। 
एमाले माओवादी नेताहरुले सुदूरपश्चिममा सरकार विस्तारमा केन्द्रले चासो नदिएको आरोप लगाएका छन् । हाल मुख्यमन्त्रीबाहेक नागरिक उन्मुक्ति पार्टीका दुईजना मन्त्री छन् । सरकार विस्तारमा ढिलाई भएपनि माओवादीभित्र मन्त्रीका लागि आकांक्षीको दौडघुप छ । पार्टी अध्यक्ष एवं प्रधानमन्त्री पुष्पकमल दाहाललाई उनीहरुले आफुलाई मन्त्री बनाउनुपर्ने माग गरेका छन् । मुख्यमन्त्रीका दावेदार रहेका नेता खगराज भट्टले मन्त्री नहुने घाेषणा पहिले नै गरेका छन । पुर्व सरकारमा मन्त्री  जना दोहरीने सम्भावना न्युन रहेको माओवादी केन्द्रका एक पदाधिकारीले बताए ।माओवादी केन्द्रका सभामुख बाहेक सुदूरपश्चिममा १० जना सांसद छन् ।
१० जनामध्ये यसअघि कमल शाह नेतृत्वको सरकारमा माओवादीका झपट साउद,रमेश धामी र गितादेवी माल सहभागि भएका थिए । ८ महिना नपुग्दै सत्ता गठबन्धन परिवर्तन भएपछि उनीहरु सरकारबाट बाहिरीएका थिए । त्यसकारण तत्कालीन समयमा सरकारमा रहेका साँउद र रमेश धामीलाई मन्त्री दोहर्याउन समेत माग छ ।
तर अहिले माओवादीबाट ओमविक्रम भाट,झपट साउद,अक्कल रावल र शिवसिंह ओलीको नाम चर्चामा छ । राज्यमन्त्रीमा लक्ष्मी विकको नाम चर्चामा छ । भाट कञ्चनपुरबाट निर्वार्चित सांसद हुन । माओवादी नेताहरुका अनुसार माओवादीबाट भाट मन्त्री बन्ने पक्कापक्कीजस्तै छ ।यसबाहेक अछामबाट निर्वाचित झपट साउँद र अक्कल रावलको नाम पनि चर्चामा छ । ८ महिनामै बाहिरीनुपरेकाले झपट दोहरीने सम्भावना समेत रहेको नेताहरु बताउँछन् । तर अछामबाट दुईपटक अक्कल रावल निर्वार्चित भएकाले उनलाई मन्त्री बनाउन पार्टीभित्रै दबाब छ ।तर यसअघिको सरकारमा अछामबाट झपट साँउद मन्त्री भैसकेकाले तत्काल डोटीबाट निर्वार्चित सांसद शिव ओलीलाई मन्त्री बनाउनुपर्ने माग पनि माओवादीभित्र छ । माओवादीबाट दुईजना मन्त्री बन्ने सम्भावना छ ।  मन्त्रीको अन्तिम टुङ्गो भने पार्टी अध्यक्ष प्रचण्डको निर्देशनमा हुनेछ ।