बाढिले बगाउदा कैलालीमा महिलाकाे मृत्यू

मसुरिया

घनश्याम पाैडेल

२०८१ असार १९ गते बुधबार

खोलामा आएको बाढीले बगाएर १ जनाको ज्यान गएको छ ।
जिल्लाको गौरीगंगा नगरपालिका ११ मा पर्ने कटैनी खोलामा आएको बाढीले बगाउँदा स्थानीय हरी प्रसाद चौधरीको छोरी १६ वर्षीया सुस्मीता चौधरीको मृत्यु भएको हो ।
कान्तिपुर र ऐठा जोड्ने कटैनी खोला तर्ने क्रममा कान्तिपुर टोलकी शुस्मिता चौधरीको ज्यान गएको हो । बाढीमा डुब्न लागेको देखेपछि स्थानीयले उद्धारको प्रयास गरिए पनि सुस्मितालाई बचाउन नसकेको बताए ।
बिहान ९ बजेको समयमा घरबाट निस्केकी सुस्मिता काठको पुल पार गरि किनारामा निस्कने बेला एक्कासी खोलाको पानी बढ्न गई खोलाले बगाई बेपत्ता भएकी थिइन् ।
घट्ना स्थलमा स्थानिय जनप्रतिनिधि सहित प्रहरीले खोजी गर्ने क्रममा १२ बजे चौधरीलाई बगेको स्थानबाट १० मिटर दक्षिणमा मृत अवस्थामा फेला परेको प्रहरीले जनाएको छ ।