फुटबल संघ कैलालीको हालै सम्पन्न कार्य समिति बैठकले संघको मर्म बिपरित गतिविधि गरेको बिषयमा कैलाली जिल्ला फुटबल संघ र सुदूरपश्चिम प्रदेश फुटबल संघले आपत्ति जनाएको छ।

 मंसिर २२ गते शनिबार धनगढी रंगशालामा सुदुरपश्चिम फूटबल संघको आयोजनामा संचालन भएको सुदुरपश्चिम प्रदेश लिग फूटबल प्रतियोगिता ०८१ को उद्द्घाटन खेलका दौरानमा फूटबल संघको मर्म बिपरित गतिविधि गरेको विषयमा कैलाली फुटबल संघ र सुदूरपश्चिम प्रदेश फुटबल संघले आपत्ति जनाएको हो।

जिम्मेवारीबाट निकालिएका पदाधिकारीको अगुवाईमा खेलकुद विपरीत गतिविधि, खेलकुदमा राजनीतिकरण गर्दै संघको नियम बिपरित कार्य गर्ने संघका सहायक महासचिव लाई जिम्मेवारी बाट बञ्चित गरिएको कैलाली जिल्ला फुटबल संघका अध्यक्ष एवम्  अखिल नेपाल फुटबल संघ (एन्फा) का केन्द्रीय सदस्य अनिल मल्लले बताउनु भयो। उनका अनुसार कार्यसमितिको निर्णय अनुरुप जिम्मेवारी पाएका सहायक महासचिव लाई कैलाली जिल्लाको घोडाघोडीमा कार्तिक ३० गते बसेको कैलाली जिल्ला फुटबल संघको बैठक बाट जिम्मेवारी बाडफाड गरेको तर त्यो दिएको जिम्मेवारी नमानेको उनले बताएका छन्। फुटबल बिकास बिरोधि नेतृत्वले कैलाली जिल्ला फूटबल संघ विरुद्ध बिरोधि गतिविधि र नाराहरु लगाइएको बिषयमा कैलाली जिल्ला फुटबल संघ र सुदूरपश्चिम प्रदेश फुटबल संघ अत्यन्तै संबेदनसिल भएको जनाएको छ ।

संघले प्रेस विज्ञप्ती जारी गर्दै पछिल्लो समयमा कैलाली कचनपुर लगायत सुदुरपश्चिममा फूटबल पुर्बाधार र फूटबल बिकासका अन्य गतिविधिले तिब्रता पाएको बिसय सवै खेलप्रेमीमा अवगत भएको जनाएको छ । 

प्रतियोगिताका दौरान यस प्रकारका गतिविधि,फूटबल बिरोधिका साथै खेलकुदको मर्म बिपरित भएको संघको ठहर गरेको छ ।  यस प्रकारका गतिविधिले खेलकुद क्षेत्रमा अराजक र उत्सृखल बिषयलाई प्रोत्साहित गर्ने हुनाले,खेलकुद संग सम्बन्ध राख्ने सबै निकायहरुले यस्ता गतिविधिमा गम्भीर र संबेदनसिल हुन समेत अनुरोध गरिएको छ।  धनगढी रंगशालामा भएको उक्षृङल गतिविधिका बिषयमा अनुसन्धान भइरहेको जानकारी गराउदै आवश्यक परेमा सस्थागत र कानुनी प्रकृया अघि बढाईने चेतावनी दिएको छ ।