मौसम पूर्वानुमान महाशाखाले पश्चिमी वायुको आंशिक प्रभावका कारण आगामी तीन दिन हिमाली र पहाडी भू-भागमा आंशिक बदली र केही स्थानमा हल्का वर्षा तथा हिमपातको सम्भावना जनाएको छ।
महाशाखाले तराई, उपत्यका र खोँचमा बिहानपख हुस्सु र कुहिरो लाग्न सक्ने भन्दै दैनिक जनजीवन, सडक र हवाई यातायात प्रभावित हुन सक्ने जनाएको छ।
बुधबार कोशी, मधेश, बागमती, गण्डकी र लुम्बिनीमा आंशिक बदली रहनेछ भने कोशी र गण्डकीका एक–दुई स्थानमा हल्का वर्षा हुन सक्नेछ।
बिहीबार कोशी, बागमती र गण्डकीका हिमाली तथा पहाडी भू-भागका एक–दुई स्थानमा हल्का वर्षा हुन सक्ने महाशाखाले जनाएको छ।
शुक्रबार र शनिबार पनि हिमाली तथा पहाडी भू-भागमा आंशिक बदली रहने र केही स्थानमा हल्का वर्षा तथा हिमपात हुन सक्ने पूर्वानुमान छ।
प्रतिक्रिया