कञ्चनपुरमा सवारी दुर्घटनामा परी एक जना भारतीयको मृत्यु भएको छ । भीमदत्त नगरपालिका वडा नम्बर १९ बागफाँटा खन्ना चौराहामा युके ०६०२७२ नम्बरको मोटरसाइकलबाट खसेर भारतको उद्यमसिंहनगर नानकमाता ग्राम झनकट बस्ने ४६ वर्षीया भगवती देवी सिंह रानाको मंगलबार दिउँसो मृत्यु भएको हो । मोटरसाइकलबाट खसेर गम्भीर घाइते भएकी रानाको महाकाली प्रादेशिक अस्पतालमा उपचारको क्रममा मृत्यु भएको कञ्चनपुर प्रहरीले जनाएको छ । मोटरसाइकल चालकलाई प्रहरीले नियन्त्रणमा लिएको छ । दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
प्रतिक्रिया