कर्णाली मार्ग सडकखण्ड अन्तर्गत कालिकोटको तिलागुफा नगरपालिका - ५ को धनडामा मिनिट्रक दुर्घटना हुँदा एक जनाको मृत्यु भएको छ।
मृत्यु हुनेमा चालक दैलेख जिल्ला चामुण्डा बिन्द्रासैन नगरपालिका-७ का २८ बर्षीय छवि प्रसाद चौलागाई रहेको प्रहरी कार्यालय कालिकोटले बताएको छ। उनका अनुसार चौलागाईको स्वास्थ्य विज्ञान प्रतिष्ठान जुम्लामा उपचारका क्रममा मृत्यु भएको हो। दुर्घटनामा सह-चालक सोही ठाउँका १८ बर्षीय दिनेश शाही गम्भीर घाइते भएका छन्।
मुगुदेखि नेपालगञ्जका लागि छुटेको कर्णाली प्रदेश ०२-००१ख ०३५६को मिनिट्रक बिहिबार बिहान करिब १ बजे सडकदेखि करिब ५०० मिटर तल खसेको प्रहरी कार्यालय कालिकोटका सूचना अधिकारी सुबराज बमले जानकारी दिए।
ट्रकमा ग्यास सिलिन्डरको सामान मात्र रहेको सूचना अधिकारी बमले बताए।
प्रतिक्रिया