एमाले अध्यक्ष ओलि भाेलि बझाङ आउदै

महेन्द्रनगर

२०७८ चैत २७ गते आइतबार

फाईल तस्बिर

नेकपा (एमाले) का अध्यक्ष तथा पूर्व प्रधानमन्त्री केपी शर्मा ओली भोलि (सोमबार) बझाङ आउने भएका छन् । जिल्ला कमिटीले आयोजना गर्न लागेको बृहत् जनसभा तथा पार्टी प्रवेश कार्यक्रमलाई सम्बोधन गर्न ओली बझाङ आउन लागेका हुन् ।

उक्त दिन विभिन्न पार्टीबाट नेता, कार्यकर्ताहरू एमाले प्रवेश गर्दैछन । ‘२ हजार भन्दा बढी कार्यकर्ता एमालेमा भित्रयाउने गरी एमाले अध्यक्ष ओली बझाङ आउन लाग्नु भएको हो,’ पार्टीका केन्द्रीय सदस्य सचिव आनन्द बिकले भने, ‘सुदूरपश्चिममा यति धेरै संख्यामा पार्टी प्रवेशको कार्यक्रम पहिलो पटक आयोजना गर्न लागिएको हो ।’

कार्यक्रमको तयारी तीव्र रूपमा अघि बढिरहेको छ । उक्त कार्यक्रममा ५ सय जना स्वयंसेवक खटाउने र ५० हजार जनता उतार्ने प्रयास भइरहेको बिकले बताए । प्रचारप्रसारका लागि नेकपा एमाले जिल्ला कमिटी सचिव आनन्दलाल विकको संयोजकत्वमा १३ सदस्यीय उपसमिति गठन गरिएको छ ।