एमालेले बैशाख ९ गते स्थानिय तहकाे घाेषणा पत्र जारि गर्ने ।

महेन्द्रनगर

२०७८ चैत २९ गते मङ्गलबार

नेकपा एमालेले आगामी वैशाख ९ गते स्थानीय तहको निर्वाचनको घोषणापत्र जारी गर्ने भएको छ । मंगलबार पार्टीका नेताहरुले बुझाएको सुझावपत्र ग्रहण गर्दै एमाले वरिष्ठ उपाध्यक्ष ईश्वर पोखरेलले यसको जानकारी दिएका हुन् ।

वरिष्ठ उपाध्यक्ष पोखरेलले संविधानले स्थानीय तहलाई दिएको अधिकारलाई हेक्का राखेर प्रतिवद्धता जारी गर्नुपर्ने बताए । उनले विगतमा गरेका कामको सम्झना गर्दै अब के गर्ने भन्ने कुराको ध्यान राखेर यसपटक एमालेले गर्ने काम जनताले बुझ्ने गरेर निर्वाचनमा राख्ने बताए । उनले एमालेले जारी गर्ने स्थानीय तहको निर्वाचनको घोषणापत्र दुई किसिमका हुने जानकारी दिए ।
उनका अनुसार केन्द्रबाट जारी गरिने घोषणापत्रमा एमालेले स्थानीय तहमा निर्वाचित भइसकेपछि र स्थानीय सरकारमा नेतृत्व प्राप्त गरिसकेपछि कुन क्षेत्रमा कसरी काम गर्ने भन्ने बारेमा र अर्को केन्द्रबाट जारी गरिने घोषणापत्रकै आधारमा ७५३ वटै पालिकाले प्रतिवद्धता पत्र जारी गरिने छ ।