शुक्लफाँटा नगरपालिकामा मेयर, उपमेयरका उमेदबार तय, केही वडामा पनि उमेदबार तय ।

महेन्द्रनगर

२०७९ बैशाख ०५ गते सोमबार

आसन्न स्थानिय तहको निर्वाचन नजिकिएसंगै कञ्चनपुरको शुक्लाफाँटा नगरपालिकामा नेकपा एकीकृत समाजवादीले मेयर उपमेयर सहित अधिकांश वडामा आफ्ना उम्मेदवार टुंगो लगाएको छ । एकीकृत समाजवादी शुक्लफाँटा नगर कमिटिले सर्वसम्मत मेयरमा प्रदेश कमिटि सदस्य एंव अनेरास्ववियू केन्द्रिय उपाध्यक्ष माधव पन्त र उपमेयरमा जिल्ला कमिटि सदस्य सिर्जना भण्डारीलाई उम्मेदवार बनाएको हो ।

जिल्ला कमिटि सदस्य सिर्जना भण्डारिका अनुसार वडा नम्बर १ मा तीन जना वडाध्यक्षका आकांक्षी रहेका छन् । नगर कमिटि अध्यक्ष हरीश विष्ट,प्रकाश कुँवर र मदन विष्टले वडाध्यक्षमा आकांक्षा देखाएका हुन् । यस्तै वडा नम्बर ४ मा हर्क वि.सी. र मिठ्ठु रानाले वडाध्यक्षको उम्मेदवारका लागि आफुलाई उभ्याएका छन् । वडा नम्बर १० मा पनि पुष्कर राना र बल बहादुर सिंह वडाध्यक्षका आकांक्षी छन् । त्यसैगरी वडा नम्बर ११ मा वडाध्यक्षका लागि तीन जनाले आकांक्षा व्यक्त गरेका छन् ।

नेकपा एकीकृत समाजवादी प्रदेश कमिटि सदस्य रनसिंह सुनार,नगर इन्चार्ज दिल बहादुर बुढा र जिल्ला कमिटि सदस्य जय बहादुर विष्टले आकांक्षा देखाएका छन् । आकांक्षीहरु धेरै भएकाले जिल्लामा पठाइने र जिल्लाले उम्मेदवारहरुको निर्णय गर्ने जिल्ला कमिटि सिर्जना भणेडारिले बताउनु भयाे । उनका अनुसार अन्य वडाहरुमा भने वडाध्यक्षको टुंगो लागिसकेको छ । यस्तै भण्डारिले शुक्लाफाँटा नगरपालिकामा सम्मानजनक गठबन्धनका लागि आफुहरु बाधक नबन्ने बताए । शुक्लाफाँटामा हाम्रो पार्टीले सम्मानजनक गठवन्धनको ढोका खुल्ला राखेको छ भणडारि भने, गठवन्धन नहुदा शुक्लाफाँटामा नेकपा(एकीकृत समाजवादी) एक्लै चुनावमा प्रतिस्पर्धा गर्ने सामर्थ्य राख्ने र शुक्लाफाँटामा एकीकृत समाजवादी बलियो रहेको बताउँदै आफुहरुको जित सुनिश्चित रहेको जनाकारी भण्डारिले दिए । स्थानिय तहको निर्वाचन यही वैशाख ३० गतेका लागि ताेकिएकाे छ ।