डडेलधुरा अजयमेरु गाउँपालिका अध्यक्ष द्वारा आफुले प्रयोग गर्दै आएको गाडी फिर्ता ।

डडेल्धुरा

२०७९ बैशाख ०८ गते बिहिबार

अनुप बिक्रम मल्ल - स्थानिय निर्वाचन नजिकिए सँगै राजनैतिक काममा बढी प्रयोग हुने देखिएकाले विगत चार वर्ष देखि अजयमेरु गाउपालिका अध्यक्षको हैसियतले प्रयोग गर्दै आएको अजयमेरु गाउँपालिकाको गाडी गाउँपालिका कार्यालय लाइ बुझाइएको छ ।

निर्वाचन आयोगको निर्देशन अनुसार स्थानीय तहको निर्वाचनमा राजनीतिक दलले आफ्नो चुनावी प्रचारप्रसारमा सरकारी सवारी साधन प्रयोग गर्न नपाउने निर्णय गरेको थियो ।

यसै अनुरूप डडेल्धुरा को अजयमेरु गाउँपालिका अध्यक्ष उमेश भट्ट विकासले प्रयोग गर्दै आइरहेको गाडी फिर्ता गरेका हुन् ।

चुनाव लक्षित आचारसहिंता लागू भइसकेकाले कुनै पनि राजनीतिक दलका प्रतिनिधि तथा चुनावमा प्रचार प्रसार कार्यक्रमका लागि सरकारी सवारी साधनको प्रयोगमा रोक लगाइएको निर्वाचन आयोगले निर्वाचन आचारसंहिता मा समेटेको छ ।

केही दिन अगाडि मात्र अजयमेरु गाउँपालिकाको अध्यक्षका लागि माओवादी केन्द्रले पुनः उमेशप्रसाद भट्ट ‘विकास’ लाई अघि सारेको थियो। अजयमेरु गाउँ कमिटीको पूर्ण बैठकले भट्टलाई अध्यक्षको उम्मेदवार बनाउने निर्णय गरेको हो ।

देशभरका स्थानीय तहमध्ये कार्यसम्पादनमा अजयमेरुलाई पहिलो बनाउने अध्यक्ष भट्टलाई पुनः उम्मेदवार बनाउने सर्वसम्मत निर्णय भएको थियो । २०७४ सालको निवार्चनमा माओवादी केन्द्रले त्यहाँ ५ वडासहित अध्यक्ष र उपाध्यक्ष जितेको थियो।

अजयमेरु गाउँपालिकालाई कार्यसम्पादन मूल्यांकनमा देशकै पहिलो स्थानमा राखिएको थियो। राष्ट्रिय प्राकृतिक स्रोत तथा वित्त आयोगले तयार गरेको कार्यसम्पादन मूल्यांकन प्रतिवेदन अनुसार अजयमेरु सबैभन्दा अगाडि देखिएको थियो।