बाणिज्य बैङ्कहरुले जतिपनि लगानि गर्न सुबिधा भएका संस्था कुन कुन हुन

महेन्द्रनगर

२०७९ साउन १८ गते बुधबार

बैङ्क तथा वित्तीय संस्थाहरूले कुनै सीमा विना जति पनि कर्जा लगानी गर्न पाउने अर्को संस्था थपिएको छ । राष्ट्र बैङ्कले बैङ्क तथा वित्तीय संस्थाहरूलाई जारी गरिएको एकीकृत निर्देशन, २०७८ मा संशोधन गर्दै साल्ट ट्रेडिङ्ग कर्पोरेसन लिमिटेडलाई थप गरेको हो ।

योसँगै बैङ्क तथा वित्तीय संस्थाहरूले कुनै सीमा विना जति पनि कर्जा लगानी गर्न पाउने निकाय चार पुगेको छ । यसअघि नेपाल आयल निगम लिमिटेड, नेपाल खाद्य संस्थान र कृषि सामग्री कम्पनी लिमिटेडलाई मात्र कर्जासँग सम्बन्धित जोखिमबाट सुरक्षित हुने पर्याप्त व्यवस्था गरी वाणिज्य बैङ्कहरूले जति पनि कर्जा लगानी गर्न पाउने छुट थियो ।

हालैको नयाँ व्यवस्थाले अब साल्ट ट्रेडिङ्गले पनि आफ्नो व्यावसायिक वृद्धि विकासका लागि बैंकबाट जति पनि कर्जा माग्न सक्ने र बैङ्कहरूले पनि कर्जाको सुरक्षण हेरेर लगानी गर्न पाउने भएका छन् । यी चार वटै निकायहरू सरकारद्वारा निर्देशित तथा नियन्त्रित सरकारी संस्थानहरू हुन् ।