नेपाली सेनाले माग्याे सहायक सेनानीमा यहाँबाट दिन सकिन्छ आवेदन ।

नेपाली सेनाले सहायक सेनानिमा ठुलाे संख्यामा आवेदन माग गरेकाे छ । सेनाको भर्ना छनौट निर्देशनालय जंगी अड्डाले २२९ अधिकृत (सहायक सेनानी) मागेको हो।

खुला तथा समावेशी प्रतिस्पर्धाद्वारा पदपूर्ति गरिने सेनाले जनाएको छ। सेनाको वेबसाइटबाट फारम डाउनलोड गरी भर्ना केन्द्रमा १० रूपैयाँको टिकट टाँसेर आवेदन भर्न सकिने सेनाले बताएको छ।

काठमाडौंस्थित स्वयम्भू बारूदखाना परिसर, इटहरीस्थित पूर्वी पृतना हेडक्वार्टर, महोत्तरी, हेटौंडा, पोखरा, बुटवल, सुर्खेत र कैलालीबाट आवेदन फारम भर्न सकिने निर्देशनालयले जानकारी दिएको छ। आवेदन दिँदा एक हजार दस्तुर लाग्नेछ।

प्रमाणपत्र तह वा सो सरह पास गरेकाले अधिकृत क्याडेटका लागि आवेदन दिन सक्नेछन्। उचाइ पुरूषका हकमा ५ फिट ३ इन्च र महिला ५ फिटको हुनुपर्नेछ।

तपाईंको विज्ञापन यहाँ राख्नुहोस्