नेकपाकाे झण्डा एकसिङ्गे गैडाकाे हातमा

२०७८ कार्तिक २६ गते शुक्रबार

लाेगाे सार्वजनिक गर्दै एेमाले महासचिव समेत नेता

काठमाडौं । नेकपा एमालेले पार्टीको दशौं राष्ट्रिय महाधिवेशनको लोगो सार्वजनिक गरेको छ । एमाले महासचिव ईश्वर पोखरेलले पार्टीको १० औं महाधिवेशनको लोगो सार्बजनिक गरेका हुन् ।

शुक्रबार ललितपुरको च्यासलस्थित तुलसीलाल स्मृति प्रतिष्ठान भवनमा १० औं राष्ट्रिय महाधिवेशन मूल व्यवस्थापन कमिटीले आयोजना गरेको पत्रकार सम्मेलनमा महासचिव पोखरेलले लोगो सार्वजनिक गरे । लोगोमा एक सिंगे गैंडाले एमालेको झण्डा उचालिरहेको देखिन्छ ।

उक्त अवसरमा पार्टीका कार्यालय सचिव शेरबहादुर तामाङले ईसेवामार्फत पार्टीका हरेक सदस्यहरुलाई कम्तिमा पनि सय रुपैयाँ महाधिवेशनका लागि आर्थिक सहायता प्रदान प्रणालीबारे जानकारी गराएका थिए । मुल व्यवस्थापन कमिटीका सचिव विष्णु रिमालबाट नारा सहितको जिंगल र केन्द्रीय कार्यालयका सचिव तामाङले मोबाइल एप्लिकेशन सार्वजनिक गरेका थिए ।

एमालेको राष्ट्रिय महाधिवेशन यही मंसीर १०, ११ र १२ गते चितवनमा आयोजना हुँदैछ । महाधिवेशनमा १९९९ जना प्रतिनिधिहरु सहभागी हुनेछन् । त्यसका लागि भोली (शनिबार) देशभर प्रतिनिधि चयन हुँदैछ ।