कृष्णपुरमा पैदल यात्रु ठक्कर दिएर फरार भारतिय जिप चालक पक्राउ ।

महेन्द्रनगर

२०७९ मङि्सर १३ गते मङ्गलबार

ञ्चनपुरको कृष्णपुरमा पैदलयात्रीलाई ठक्कर दिएर फरार भएका एक जना जिप चालकलाई प्रहरीले पक्राउ गरेको छ।

आइतबार कृष्णपुर नगरपालिका–५ को वडा कार्यालय नजिक यूए ०४१७७९ नम्बरको स्कारपिओले ठक्कर दिँदा कैलालीको गोदावरी नगरपालिका–३ चौकीडाँडा बस्ने ३६ वर्षीय लवदेव भट्टको मृत्यु भएको थियो।

ठक्कर दिने स्कारपिओ चालक भीमदत्त नगरपालिका–७ का करन चन्दलाई नियन्त्रणमा लिएर घटनाबारे थप अनुसन्धान गरिरहेको जिल्ला प्रहरी कार्यालय कञ्चनपुरका डिएसपी चक्रबहादुर शाहले बताए।

ठक्करबाट गम्भीर घाइते भएका भट्टको उपचारका क्रममा सेती प्रादेशिक अस्पताल धनगढीमा मृत्यु भएको थियो।

ठक्कर दिने सवारी साधनलाई अनुसन्धानको क्रममा सोमबार फेला पारेको डिएसपी शाहले बताए। मृतकका आफन्तहरुले चालक पक्राउ गरी कानूनी दायरामा ल्याउन माग गर्दै हिजो सडक अवरोधसमेत गरेका थिए।