सुदूरपश्चिम प्रदेशको मुख्यमन्त्री बन्न नेकपा एमाले प्रदेशसभा संसदीय दलका नेता राजेन्द्र रावलले दाबी पेस गर्ने भएका छन् । केहीबेर अघि एमाले, माओवादी केन्द्र र नागरिक उन्मुक्ति पार्टी सहितको गठबन्धनले एमाले नेतृत्वमा प्रदेश सरकार गठनका लागि सहमति जुटाएको हो । केन्द्रको गठबन्धन अनुसार नै प्रदेशमा पनि सरकार बनाउने विषयमा सहमति जुटेको बताइएको छ ।

यसअघि नागरिक उन्मुक्ति पार्टीलाई कांग्रेसले पनि मुख्यमन्त्री पदसहित सरकार गठनका लागि प्रस्ताव गरेको थियो । सुदूरपश्चिम प्रदेश सरकार गठनका लागि निर्णायक भूमिका रहेको नागरिक उन्मुक्ति पार्टीकै अलमलका कारण एमालेका रावलले प्रदेश प्रमुख समक्ष दाबी पेस गर्न सकेका थिएनन् । तर, केहीबेर अघि सत्तारुढ गठबन्धनभित्र सहमति जुटेको बताइएको छ ।

#मुख्यमन्त्री