त्रिभुवन विश्वविद्यालय अन्तरगत स्ववियु निर्वाचन आज नेतृत्व चुन्दै विध्यार्थि ।

महेन्द्रनगर

२०७९ चैत ०५ गते आइतबार

त्रिभुवन विश्वविद्यालयअन्तर्गतका क्याम्पसमा आज स्वतन्त्र विद्यार्थी युनियन (स्ववियु) निर्वाचन हुँदै छ । ६० आंगिक र एक हजार ४० सम्बन्धन क्याम्पसमा स्ववियु निर्वाचन हुन लागेको त्रिविले जनाएको छ ।

स्ववियु निर्वाचनअन्तर्गत आज बिहान ८ देखि अपराह्न ४ बजेसम्म मतदान हुनेछ । स्ववियु निर्वाचनमा अहिलेसम्म दुई आङ्गिक र केही सम्बन्धन प्राप्त क्याम्पसमा निर्विरोध निर्वाचित भइसकेको त्रिविका स्ववियु निर्वाचन केन्द्रीय अनुगमन तथा समन्वय समितिका सदस्यसचिव पशुपति अधिकारीले जानकारी दिए ।

विगत १४ वर्षदेखि हुन नसकेको स्ववियु निर्वाचन सफलतापूर्वक सम्पन्न गर्नका लागि सहयोग गर्न विज्ञप्तिमार्फत त्रिविले अपिल पनि गरेको छ ।

कंचनपुरमा ६ क्याम्पसमा चुनाव हुँदैछ । भने बाँकी क्याम्पसमा तालाबन्दीले चुनाव अनिश्चित बनेको छ ।

रौलेश्वर जनता आदर्श बहुमुखी क्याम्पस बेलडाँडी, रामपुर बहुमुखी क्याम्पस कलकत्ता, महाकाली बहुमुखी क्याम्पस बेलौरी, जनता बहुमुखी क्याम्पस पूनर्वास, कञ्चन बहुमुखी क्याम्पस गुलरिया र कृष्ण बैजनाथ बहुमुखी क्याम्पस झलारीमा मतदानकाे तयारि भै सकेकाे छ । यस्तै सम्वन्धन प्राप्त क्याम्पस हरि दानेश्वर क्याम्पस जिमुवामा सर्वसम्मत नेतृत्व चयन भैसकेकाे छ ।

#स्ववियु