छैटौं संस्करणको मुख्यमन्त्री सुदूरपश्चिम खप्तड गोल्डकप फुटबल प्रतियोगिता आजदेखि हुने भएको छ ।
आयोजक सुदूरपश्चिम-११ स्पोर्ट्स क्लबले बुधबार धनगढीमा पत्रकार सम्मेलनको आयोजना गर्दै बिहीबारदेखि प्रतियोगिता सञ्चालन हुने जानकारी दिएको छ ।
धनगढी रंगशालामा दिउँसो ३ बजे सुदूरपश्चिमका मुख्यमन्त्री कमलबहादुर शाहले प्रतियोगितको विधिवत रूपमा उद्घाटन गर्ने कार्यक्रम तय भएको क्लवका महासचिव प्रकाश शाहीले जानकारी दिए ।
उद्घाटन खेलमा नेपाल एपीएफ क्लब र वागमती क्लव भिड्नेछन् । प्रतियोगितामा ‘ए’ डिभिजन ६ टीम, दुई विदेशी टिम, मोसलको एक र आयोजक क्लव गरी १० टोलीको सहभागिता रहेका छन् ।
प्रतियोगिताको विजेताले २१ लाख र उपविजेताले १० लाख रुपैयाँ नगद पुरस्कार पाउनेछन् ।सर्वोत्कृष्ट खेलाडीलाई एक लाख रुपैयाँ पुरस्कारको व्यवस्था गरिएको छ।
विधागततर्फ उत्कृष्ट खेलाडीलाई जनही १५ हजार र म्यान अफ दि म्याचलाई १० हजार रुपैयाँ पुरस्कार प्रदान गरिनेछ ।
खप्तड गोल्ड कप २०७३ सालदेखि आयोजना हुदै आएको छ । प्रतियोगितामा उद्घाटन खेल हेर्न टिकट नलाग्ने महासचिव शाहीले बताए । यस्तै अन्य दिन विद्यार्थीका लागि एक सय र अन्यका लागि एक सय ५० रुपैयाँको टिकट लाग्ने छ । टिकट काटेका मध्ये दैनिक एक जना दर्शकले गोलाप्रथाबाट एन्ड्रोइड मोबाइल फोन पुरस्कार पाउने छन् ।
क्लवका अध्यक्ष सुरेश हमालले सुरुका खेल खेल्ने टीमहरु आइसकेको बताए । उनले सुदूरपश्चिममा आयोजना हुने एकमात्र अन्तर्राष्ट्रिय प्रतियोगिता भएकाले सबैले आफ्नो ठानेर सहयोग गरिदिन आग्रह गरे ।
मुख्य प्रवद्रर्धक रहेको सुदूरपश्चिम प्रदेश खेलकुद परिषद्ले चित्र भट्ट संयोजकका रुपमा पठाएको छ ।
परिषद्का सदस्य सचिव दिपकबहादुर सिंहले निजी क्षेत्रलाई पछिल्लो समय आर्थिक मन्दीले परेको असरका कारण प्रायोजक पाउन मुस्किल भएका बेला सरकारले आवश्यक सहयोग गरेर गोल्डकप हुन लागेको बताए ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया