नेत्र ज्याेति संघकाे स्थापना दिवसमा पत्रकारहरुकाे निशुल्क आँखा जाँच तथा परामर्श ।

महेन्द्रनगर

२०७९ चैत १३ गते सोमबार

कञ्चनपुरका पत्रकारका लागि निःशुल्क आँखा जाँच शिविर संचालन गरिएको छ । सोमबार जिल्लामा कार्यरत पत्रकारका लागि आँखा अस्पताल महेन्द्रनगरमा निःशुल्क आँखा जाँच शिविर संचालन गरिएको हो ।

नेपाल पत्रकार महासंघको ६८औँ स्थापना दिवस र नेपाल नेत्र ज्योति संघको ४५औँ स्थापना दिवसको अवसर पारेर पत्रकारका लागि निःशुल्क आँखा जाँच शिविर संचालन गरिएको छ । ‘हाम्रो कर्तव्य, हाम्रो जिम्मेबारी, आँखा सेवामा साझेदारी’ भन्ने मुल नाराका साथ जिल्लामा कृयाशिल पत्रकारको स्वास्थ्यका लागि आँखा शिबिर संचालन गरिएको छ ।

नेत्र ज्योती संघका सदस्य दयाकृष्ण जोशीले नेत्रज्योती संघको स्थापना दिवसमा पत्रकारको आँखा स्वास्थ्यका लागि शिविर संचालन गरिएको बताए ।

आँखा अस्पताल महेन्द्रनगर जिल्ला शाखाले प्राविधिक तथा व्यवस्थापकीय भूमिका निर्वाह गरेको थियो । आँखा अस्पताल महेन्द्रनगरका नेत्र अधिकृत बीरसिह धामीले शिबिरमा ४५ जना पत्रकारले सेवा लिएको बताए । नेत्र अधिकृत धामीका अनुसार ८ जनालाई निःशुल्क चस्मा अन्यलाई औषधी दिईएको बताए । ‘हामीले आँखा सुरक्षित पार्ने परामर्स समेत दिएका छौँ, ‘उनले भने, ‘तीन जना पत्रकार साथीको आँखामा मासु पलाएको भेटियो, ‘बाँकीलाई हामीले औषधी, चस्मा र परमार्स दिएका छौँ ।’ आँखा अस्पताल महेन्द्रनगर जिल्ला शाखा इन्चार्ज डा. खगेन्द्र उप्रेती, नेत्र अधिकृत बीर सिह धामी सहित नेत्र ज्योती संघका सदस्य दयाकृष्ण जोशी सहितको कर्मचारी टिम खटिएको थियो । यसरी बेला बेलामा पत्रकार महासंघ र नेत्र ज्योति संघले स्थापना दिवसमा निःशुल्क आँखा चेकजाँचबाट पत्रकार लाभान्वित भएका छन ।

#नेत्र ज्याेति संघ