कञ्चनपुरको बेलडाँडी गाउँपालिकामा एक महिला सुतेकै अवस्थामा मृत फेला परेकी छिन् । बेलडाँडी गाउँपालिका वडा नं.२ नवजागरण टोलीकी ३२ बर्षिया देवकी पाल बुढा हिजो दिउँसो ३ बजे आफ्नै घरको अगाडी बाख्रा खोर नजिक खटियामा सुतेकै अवस्थामा मृत फेला परेको छिमेकी मथुरा औजीले प्रहरीलाई खवर गरेको बेलडाँडी प्रहरीले जनाएको छ ।

मृतकको शव हिजो बेलुका नै पोस्टमार्टमका लागि महाकाली अस्पताल पठाएको प्रहरीले जनाएको छ । प्रहरीका अनुसार मृत्यु प्रकरण अनुसन्धान भइरहेको र मृत्यु कसरी भएको हो भन्ने पोस्टमार्टम रिर्पोटबाट थप थाँहा हुने जनाइएको छ ।

मृतकका श्रीमान धन बहादुर पाल रोजगारका लागि भारत गएका थिए । उहाँका २ छोरा र सासु आमा घरमा बस्दै आएका थिए ।

तपाईंको विज्ञापन यहाँ राख्नुहोस्