लालझाडि ५ मा तिनतले स्वास्थ्य भवन बन्दै, कृष्णपुर वासिलाई समेत सुबिधा पुग्ने ।

महेन्द्रनगर

२०८० जेठ ०४ गते बिहिबार

कंचनपुर जिल्लाकाे लालझाडि गाउँपालिका ५ मा स्वास्थ्य भवनकाे शिलान्यास भएकाे छ । बुधबार एक कार्यक्रमका बिच गाउँपालिका अध्यक्ष निर्मल राना, उपाध्यक्ष सपना चौधरी राना, लालझाडी-५ का वडा अध्यक्ष पहल बहादुर थापा, देखतभुली स्वास्थ्य चौकी ईन्चार्ज उमाकान्त झा, निर्माण कम्पनि प्रतिनिधि लगायत स्थानिय सरोकारवालाहरुको उपस्थितिमा शिलान्यास कार्यक्रम भएकाे हाे ।

याे भवन निर्माण पछि स्वास्थ्य चाैकिबाट थप सहजरुपमा सेवा दिन सकियाेस र केही सेवाहरु थप्न गर्न सकियाेस भन्ने उद्देश्यले भवन निर्माण अगाडि सारेकाे पालिका अध्यक्ष निर्मल राना बताउछन ।

लालझाडी-५ का जनताको स्वास्थ्य सेवालाई प्राथमिकतामा राखेर देखतभुली स्वास्थ्य चौकीलाई थप सुविधा सम्पन्न बनाउने र छिट्टै एम्बुलेन्सको सेवा सञ्चालन मा ल्याउने लालझाडी वडा नं. ५ का वडा अध्यक्ष पहल बहादुर थापाले बताएका छ्न् ।

शिवललिङ्ग शिवशंकर निर्माण कम्पनिले एकराेड चाैरानब्बे लाख एक हजार पाँच सय छ्यासठ्ठि रुपैया छत्तिस पैसामा ठेक्का जिम्मा लिई २०८१ साल बैशाख २७ गते सम्म निर्माण गर्ने समय रहेकाे छ । निर्माण कम्पनि प्रतिनिधिले निर्माण कार्य समयमै सक्ने बताएका छन ।

याे भवन बनेबाट लालझाडिका मात्र नभई कृष्णपुर नगरपालिका ३ का स्थानिय लाई समेत स्वास्थ्य सेवा लिन सहज हुने स्थानिय अम्मर सिह धामि बताउछन ।