२०८१ मङि्सर १० गते सोमबार
सर्पको टोकाईबाट दुधौलीको कुर्थौलीका एकै परिवारका दुई जना दाजु भाइको ज्यान गएको छ । सोमबार राती सुतिरहेको ओछ्यानमा आई सर्पले टोकेको र उपचारका क्रममा उनीहरुको मृत्यु भएको जिल्ला प्रहरी कार्यालय सिन्धुलीले जनाएको छ ।
मृत्यु हुनेमा दुधौली नगरपालिका वडा नं. १ कुर्थौलीका १३ वर्षिय ग्रिस पहाडी र उनका भाई ३ वर्षिय ग्रिस्म पहाडी रहेको जिल्ला प्रहरी कार्यालय सिन्धुलीले प्रेस विज्ञप्ती मार्फत जानकारी दिएको छ ।
छोराहरुसँगै सुतेकी आमा गंगामाया पहाडीले कान्छो छोरा छटपटिईरहको अवस्थामा मंगलबार विहान ३ बजे थाहा पाएकी थिईन । थाहा पाए लगत्तै दुवै जना बालकलाई उपचारका लागि प्राथमिक स्वास्थ्य केन्द्र सिर्थौली लगिएकोमा उपचार हुन नसकी थप उपचारका लागि जानकी हेल्थ केयर जनकपुर लगिएको थियो ।
उनीहरुको उपचारका क्रममा मंगलबार विहान ८ बजे मृत्यु भएको उक्त अस्पतालका डाक्टरले घोषणा गरेका थिए । कुन सर्पले टोकेको भन्ने थाहा हुन नसके पनि दाजु ग्रिसलाई साईली औंलामा टोकेको र भाई ग्रिस्मलाई बाँया खुट्टाको बुढी औंलाको बीच भागमा टोकेको डाम देखिएको प्रहरीले जनाएको छ ।
उनीहरु सिमेन्ट व्लकले बनेको टाली लगाएको छानो भएको घरको पलङमा सुतेको अवस्थामा सर्पले टोकेको भए पनि समयको एकीन हुन नसकेको बताईएको छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया