संगम पब्लिकेसन्स प्रा.लि. काठमाण्डौंका प्रबन्ध निर्देशक समाजसेवी सहदेव प्रसाद (एसपी) सापकोटाले धनगढीका दुई संस्थालाई आर्थिक सहयोग गरेका छन् ।

समाजसेवी सापकोटाले असहाय महिला तथा बालबालिकाहरुलाई आश्रय दिदै आएको दृष्टि फाउण्डेसनलाई २७ हजार रुपैया र संस्कृत भाषा पढाउदै आएको निङ्लासैनी गुरुकुललाई १५ हजार रुपैया सहयोग गरेका हुन् ।

उनले फाउण्डेसनकी सञ्चालक कल्पना भट्टको सेवाबाट प्रभावित भएर २७ हजार रुपैया प्रदान गरे । त्यस्तै उनले बैदिक भाषाको संरक्षण तथा संस्कृतिको जगेर्नाका क्षेत्रमा योगदान पुर्याए वाफत निङ्लासैनी गुरुकुललाई १५ हजार रुपैया प्रदान गरे ।

फाण्डेसन यस्तै सहयाेगहरुबाट संचालनमा संचालन सहयाेग हुँदै आएकाे छ भने कल्पना भट्ट समेत ११ जनाकाे समितिले निस्वार्थ सेवाभावले चलाउदै आएका छन ।