हप्ता दिन देखि हराएका दमाईकाे शव घर नजकै गाडेकाे भेटियाे ।

महेन्द्रनगर

२०८० साउन १९ गते शुक्रबार

हप्ता दिन देखि हराएका दमाईकाे शव घर नजकै गाडेकाे भेटियाे ।

कञ्चनपुरको कृष्णपुर नगरपालिका वाणिमा एक युवकको शव खाडलमा गाडिएको अवस्थामा भेटिएको छ । कृष्णपुर नगरपालिका वडा २ वाणि नवदुर्गा टोलका स्थानीय कुँवेर दमाईको शब खाडलभित्र गाडिएको अवस्थामा भेटिएको हो ।

गयराती (बिहिवार) प्रहरीले बन्डनदीको किनार खाडलमा गाडिएको अवस्थामा दमाईको शव निकालेर स्वास्थ्य परीक्षणका लागि महाकाली प्रादेशिक अस्पताल ल्याएको छ ।
जिल्ला प्रहरी कार्यालय कञ्चनपुरका प्रवक्ता प्रकास डाँगीले खाडलभित्र भेटिएको शव शंकास्पद रहेको बताए ।

‘खाडलभित्र भेटिएको शवको प्रकृति हेर्दा कुहिएको अवस्थामा हामीले भेटाएका छौँ, ‘प्रवक्ता डाँगीले भने, ‘शस्कापद नैछ, थप अनुसन्धान अघि बढाएका छौँ ।’

बस्तीनजिकै रहेको खोलामा गन्ध आएपछि स्थानीयले प्रहरीलाई खबर गरेका थिए । कृष्णपुर नगरपालिका २का वडाध्यक्ष अर्जुन साउदले दमाई एकसातादेखि घर परिवारको सम्र्पकमा नरहेको बताए । ‘उनी भारतमा रोजगारी गर्दै आएका थिए, ‘वडाध्यक्ष साउदले भने, ‘घर आउ जाउँ गदै आएका थिए, घटना रहस्यमय भएकाले प्रहरीले यसमा गम्भिर भएर अनुसन्धान गर्दै दोषि उपर कार्बाही गर्नुपर्छ ।’ स्थानीयले समेत हत्याको आशंका गर्दै घटनाको सत्यतथ्य छानबिन गरेर दोषि उपर कार्बाहीको माग अघि सारेका छन ।

मृतकको दमाईको घर नजिकै रहेको खोलामा शव भेटिएपछि प्रहरीले समेत आफन्त एव नजिका व्यक्तिमाथि आशंका गरेको छ । उक्त निकृष्ठ कार्य गरिएको भन्दै स्थानीयले दोषि पहिचान गरेर कानुनी कार्बाही गर्नुपर्नेमा सुझाव दिएका छन ।