२०८३ असोज ०९ गते शुक्रबार
महेन्द्रनगर - कृष्णपुर नगरपालिका–६ को वडा कार्यालय भवन निर्माणको विषयलाई लिएर स्थानीयले नगरपालिकाको कार्यालयमा तालाबन्दी गरेका छन् । वडा नं. ६ को प्रशासनीक भवन बसन्तपुरको महाकाली माविको जग्गामा निर्माण गर्न खोजेपछि स्थानीयले नगरपालिकामा तालाबन्दी गरेका हुन् ।
वडा कार्यालय निर्माणको विषयमा स्थानीयले ४ वर्षदेखि बिरोध गर्दै आएका थिए । ‘वडा कार्यालय सबैको अपायक पर्ने ठाउँमा राखेपछि नगरपालिकामा तालाबन्दी गरेका हौं,’ स्थानीयले भने, ‘यो विवाद अहिलेको होइन पहिलादेखि नै थियो ।’
जनप्रतिनिधिहरुले कार्यकालको अन्त्यमा जबरजस्ती भवन निर्माण गर्न खोजेको स्थानियको आरोप छ । अन्तिममा आएर विद्यालयको प्राकृतिक पोखरी मासेर भवन निर्माण गर्न खोजी रहेका छन् । नगरपालिकाले वडावासी सबैको पायक पर्ने ठाउँ पहिचान गरी निर्माण गर्नुपर्ने स्थानीय बताउँछन् ।
केही व्यक्तिको अबरोधका कारण अहिलेसम्म वडा कार्यालय भवन निर्माण गर्न नसकेको वडा अध्यक्ष नथुराम चौधरीले बताए ।
‘पहिला बालमुक्ति विद्यालय नजिक वडा कार्यालय बनाउन खोजेका थियौं,’ उनले भने, ‘अहिले बिरोध गर्नेहरुकै कारण त्यहाँ निर्माण गर्न सकेनौं ।’ विकास बिरोधी व्यक्तिहरुकै कारणले भवन निर्माणमा ढिलाइँ भइरहेको उनी बताउँछन् ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया