नेपाली कांग्रेसका सह–महामन्त्री महेन्द्र यादवले सांसद सुनील शर्मालाई अबिलम्ब रिहा गर्न माग गरेका छन् । कांग्रेस सांसद शर्मालाई गृहमन्त्रीको राजीनामा मागेको भन्दै राजनीतिक पूर्वाग्रह साध्न पक्राउ गरिएको उनको आरोप छ ।
‘अबिलम्ब रिहा गर्नुपर्छ । राजनीतिमा प्रतिशोध साध्न पाइँदैन । सुनील शर्मालाई पक्राउ गर्नु गलत हो,’ सहमहामन्त्री यादवले भने ।
सांसद शर्माको सर्टिफिकेट पहिले किन जाँच गरिएन भन्दै उनले प्रश्न उठाएका छन् । ‘उहाँको सर्टिफिकेट किन जाँच गरिएन ? पहिला सर्टिफिकेट जाँच भइसकेको थियो,’ उनले भने, ‘अहिले उहाँले गृहमन्त्रीको राजीनामा माग्यो भन्दैमा समातिदिने ? यो प्रतिशोधको भावना भयो ।’
आईएस्सीको शैक्षिक प्रमाणपत्र नक्कली भेटिएको भन्दै प्रहरीले बिहीबार शर्मालाई पक्राउ गरेको थियो ।
सिनामंगलस्थिति काठमाडौँ मेडिकल कलेज र विराटनगरको नोबेल मेडिकल कलेजका सञ्चालकसमेत रहेका शर्मा मोरङ–३ बाट प्रतिनिधिसभामा सदस्य निर्वाचित भएका थिए । शर्माले क्विन्टल सुन तस्करी प्रकरणलाई जोडेर गृहमन्त्री नारायणकाजी श्रेष्ठ र अर्थमन्त्री प्रकाशशरण महतको राजीनामा माग गरिरहेका थिए ।
उनको पक्राउप्रति कांग्रेस नेता अर्जुननरसिंह केसी, अजयबाबु शिवाकोटी लगायतले समाजिक संजालमा लेखेर प्रश्न उठाएका छन् ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया